Zara-ն ու Bershka-ն վերջնականապես կդադարեցնեն գործունեությունը Ռուսաստանում․ «Известия»

Իսպանական Inditex խումբը հայտնել է, որ Daher-ի գնած խանութներում Zara-ն և Bershka-ն չեն վաճառվի։ Այս մասին հայտնում է Известия-ն։Inditex-ն ընդգծել է, որ Daher-ը Ռուսաստանում իր բիզնեսը կանցկացնի սեփական ապրանքանիշերով ՝ «ոչ մի ընդհանուր բան չունենալով» իսպանական խմբի հետ։
Հոկտեմբերի վերջին հայտնի դարձավ, որ Inditex-ը, որը դադարեցրել էր աշխատանքը Ռուսաստանի Դաշնությունում, համաձայնել է վաճառել իր ռուսական բիզնեսը Daher խմբին։ Այս ընկերությունը Լիբանանում Inditex-ի ֆրանչայզերն է:

Inditex-ն ընդգծել է, որ եթե պայմանները թույլ տան իսպանացիներին ապագայում վերադառնալ ռուսական շուկա, Daher-ը կկարողանա բացել Zara, Massimo Dutti, Pull & Bear, Bershka և Stradivarius ֆրանչայզ խանութները։ Այնուամենայնիվ, Forbes-ի աղբյուրները հայտնել են, որ 2023 թվականի գարնանը Zara-ն, Pull & Bear-ը, Bershka-ն և Stradivarius-ը նախատեսում են Ռուսաստանում բացվել նոր անուններով։
Լրատվամիջոցները գրել են, որ բրենդային ապրանքները Ռուսաստանում կարող են հայտնվել «New Fashion» անվամբ, սկզբում միայն Մոսկվայի մի քանի առևտրի կենտրոններում ՝ Mega Teply Stan, Metropolis, European և Aviapark։