Իտալիան կարողացավ լցնել իր գազի պահեստները և ամբողջությամբ պատրաստվել ձմռանը։ Այս մասին հայտարարել է իտալական Eni նավթագազային խմբի ղեկավար Կլաուդիո Դեսկալցին Il Messaggero թերթի կազմակերպած վեբինարի ժամանակ։
«Ռուսական գազը հիմնականում փոխարինվել է, մեր պահեստարանները լիքն են»,- ասել է Դեսկալցին։Նրա խոսքով ՝ Ռուսաստանից գազի մնացած մատակարարումները կայուն են և կազմում են օրական 10-15 մլն խմ։ Այնուամենայնիվ, էներգահամակարգի կայունության համար ավելի շատ վառելիք է անհրաժեշտ: Նա հավելեց, որ մատակարարների հետ տեխնիկական խնդիրներ կարող են լինել, եթե ձմեռը կանխատեսումներից ավելի ցուրտ լինի։ Սակայն վերջին շրջանում արդյունավետությունը բարձրացել է, իսկ գազի սպառումը նվազել է 10-15%-ով։
Հոկտեմբերի 5-ին իտալական Eni-ն հաստատել է «Գազպրոմից» Ավստրիայի տարածքով գազի մատակարարումների վերսկսումը։ Ռուսաստանից գազի մատակարարումները վերսկսվել են Eni-ի և շահագրգիռ կողմերի կողմից ավստրիական իշխանությունների որոշմամբ ի հայտ եկած սահմանափակումների կարգավորման շնորհիվ։
Մեկնաբանություն