Apple-ը, ԱՄՆ Կոնգրեսի Ներկայացուցիչների պալատի նախագահ Նենսի Փելոսիի Թայվան կատարած վերջին այցից հետո, նախազգուշացրել է տեղական մատակարարներին Չինաստան բեռնափոխադրումների ժամանակ պիտակավորման կանոնների կիրառման մասին: Այս մասին հայտնում է Nikkei-ն։ «Մայրցամաքային Չինաստան» առաքվող էլեկտրոնային բաղադրիչները պետք է մակնշվեն որպես «Չինական Թայբեյ» կամ «Թայվան, Չինաստան»:
Չինաստանը նման կանոններ սահմանել է դեռ շատ տարիներ առաջ, սակայն պահանջել է դրանք իրականացնել հենց Փելոսիի կղզի կատարած այցից հետո, որի ինքնիշխանությունը Պեկինը չի ճանաչում։ Այս կանոնների համաձայն ՝ չինացի պաշտոնյաները կարող են հետաձգել և մերժել «Արտադրված է Թայվանում» պիտակով առաքումները։
Սա առաջին դեպքը չէ, երբ Apple-ը կատարում է ՉԺՀ-ի պահանջները։ 2019-ին ընկերությունը հեռացրել է Թայվանի դրոշի էմոջիները iOS-ից ՝ Հոնկոնգում այդ տարի քաղաքում տեղի ունեցած ժողովրդավարական ցույցերի ֆոնին:
Ապրիլին Apple-ի գործադիր տնօրեն Թիմ Կուկը հայտարարել էր, որ կիսահաղորդիչների պակասը զգալի ազդեցություն է ունեցել ընկերության iPad բիզնեսի վրա: 2022 թվականի աշնանային iPhone 14-ի թողարկումից առաջ մաքսային վեճի պատճառով լրացուցիչ ուշացումները կարող են աղետալի լինել Apple-ի համար։
Մեկնաբանություն