Բրազիլիայի հավաքականի առաջատար Նեյմարն աշխարհի առաջնության 1/4 եզրափակչում Խորվաթիայից կրած պարտությունից հետո լրագրողներին ասել է, որ հնարավոր է ավարտի կարիերան հավաքականում։
«Ճիշտն ասած, ես չգիտեմ։ Կարծում եմ, որ վատ է հիմա խոսել այդ մասին ՝ թեժ պահի պատճառով: Միգուցե ես վատ եմ մտածում: Ասել, որ սա վերջն է, կնշանակի շտապել, բայց ես ոչինչ չեմ կարող երաշխավորել։ Տեսնենք, թե ինչ կլինի հետո։ Ես ուզում եմ օգտագործել այս ժամանակը դրա մասին մտածելու համար, մտածել այն մասին, թե ինչ եմ ուզում ինքս ինձ համար: Ես չեմ ասում, որ այլևս երբեք չեմ խաղա Բրազիլիայի հավաքականում, բայց 100%-ով չեմ ասում, որ կվերադառնամ»,- Նեյմարի խոսքերն է մեջբերում ESPN-ը։
Բրազիլացիները քառորդ եզրափակչում 11 մետրանոցներով պարտվեցին Խորվաթիային: Նեյմարը լրացուցիչ ժամանակում գոլ խփեց ՝ գերազանցելով Պելեի ռեկորդը Բրազիլիայի հավաքականի կազմում գոլերի քանակով, սակայն խորվաթները կարողացան հավասարեցնել հաշիվը, իսկ հետո հաղթել 11 մետրանոց շարքում: Բրազիլիայի հավաքականի առաջատարը լացակումած լքել է խաղադաշտը։ Ընդհանուր առմամբ, 30-ամյա Նեյմարը Բրազիլիայի հավաքականի կազմում անցկացրել է 124 հանդիպում և խբել 77 գոլ։
Մեկնաբանություն