Եթե 2018թ․ ռեզիդենտների ընդհանուր վարկավորումը կազմել է 37,5 մլրդ դրամից մի փոքր ավել, ապա 2023թ․ այս ցուցանիշը ավելացել է 61 տոկոսով՝ հասնելով մոտ 60,5 մլրդ դրամի։ Այս մասին տեղեկանում ենք ԱԺ պատգամավոր, ֆինանսավարկային և բյուջետային հարցերի հանձնաժողովի նախագահ, ՔՊԿ վարչության փոխնախագահ՝ Գևորգ Պապոյանի ֆեյսբուքյան էջից։
Ամենամեծ աճն արձանագրել տարեկան տրամադրված հիպոտեկային վարկերը, մասնավորապես, եթե 2018թ․ այս վարկերի ծավալը մի փոքր էր ավել 3 մլրդ դրամից, ապա 2023թ․ այն ավելացել է 3,9 անգամ՝ հասնելով ավելի քան 11,8 մլրդ դրամ տարեկան տրամադրված հիպոտեկային վարկի։
Հաջորդ ամենամեծ աճն արձանագրել է շինարարության վարկավորումը՝ 2018թ․ 2,54 մլրդ դրամ ցուցանիշից 2023թ․ հասնելով 5,31 մլրդ դրամի։
Ամենամեծ մասնաբաժինը շարունակում են պահել սպառողական վարկերը, որոնք 2018թ․ համեմատ աճել են մոտ 55 տոկոսով (մոտ 8 մլրդից դարձել է մոտ 12,5 մլրդ դրամ)։ Սակայն սպառողական վարկավորումը ավելի դանդաղ է աճել, քան ընդհանուր վարկավորումը, ինչը համարում եմ դրական։
