Բուհերին նվիրատվություն անողները, եթե դա սարքավորում է, պարզվում է, պետք է նաև դրա գնի 20 տոկոսի չափ էլ ԱԱՀ վճարեն բյուջե: Եթե աջակցությունը ֆինանսական է, անկախ գումարի չափից, բիզնեսն իր հասույթը կարողանում է նվազեցնել շրջանառության ընդամենը 0,25 տոկոսի չափ: Խնդիրը բացահայտած Հայաստանի ներդրումային խորհրդը մշակել է հարցը կարգավորելու նախագիծ:
Պետության և մասնավորի գործակցությունը խթանող իր օրինագիծը, էկոնոմիկայի նախարարությունը քննարկել, հաստատման հաջորդ փուլ է անցկացրել: Նվիրատվությունները խրախուսող փաթեթի մեկ այլ փոփոխությամբ առաջարկվում է շահութահարկի համար հասույթից պակասեցվող 0,25 տոկոսը դարձնել 2,5 տոկոս: Նախագծի հեղինակները համոզված են` բիզնեսը հենց շահագրգռվեց տեխնիկապես վերազինել քոլեջներն ու բուհերը, պահանջ է դնելու, որ նաև իրենց ներդրման հաշվին սովորող-ավարտողը ոչ թե տեսական գիտելիքով, այլ գործնական, պատրաստ մտնի աշխատաշուկա: Նորմալ մասնագետի կարիք հիմա տնտեսության բոլոր ճյուղերն ունեն։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն