Մեծ Բրիտանիայի թագուհի Եղիսաբեթ II-ին պատկանող Jaguar X-Type Estate-ն աճուրդի է հանել անգլիական Historics Auctioners աճուրդի տունը:
Վաճառքի մեկնարկային գինը, ինչպես նշել են աճուրդի կազմակերպիչները, չի սահմանվի։ Աճուրդը նշանակված է նոյեմբերի 26-ին։
Մեքենան թողարկվել է 2009 թվականին, և, ինչպես գրում է Daily Mail թերթը, Եղիսաբեթ II-ն այն օգտագործել է մինչև այս տարվա գարուն։
Jaguar-ը համալրված է երեք լիտրանոց վեց մխոցանոց բենզինային շարժիչով։ Մեքենայի վազքը կազմում է 72,5 հազար մղոն (117 հազար կմ): Գույն «կրակոտ զմրուխտ»: Առկա է կլիմատ կոնտրոլ, էլեկտրական պատուհաններ և տանիք։Հոկտեմբերի վերջին հայտնի դարձավ, որ Մեծ Բրիտանիայի թագավոր Չարլզ III-ը վաստակել է ավելի քան 1 միլիոն ֆունտ ստերլինգ՝ վաճառելով հանգուցյալ թագուհի Եղիսաբեթ II-ի սիրելի ձիարշավարանը։
Մեկնաբանություն