🐄 Հանրապետությունում մեկնարկել է գյուղատնտեսական կենդանիների հաշվառման գործընթացը։ Այն իրականացնելու ուղղությամբ արդեն իսկ ձևավորվել են մարզպետարանների, համայնքների ու «Գյուղատնտեսական ծառայությունների կենտրոն» ՊՈԱԿ-ի ներկայացուցիչներից կազմված աշխատանքային խմբեր,- հայտնում է էկոնոմիկայի նախարարությունը:
Գյուղատնտեսական կենդանիների հաշվառման գործընթացին պետք է մոտենալ մոտենալ ամենայն պատասխանատվությամբ, այն իրականացնել՝ միայն հաշվի առնելով առկա կենդանիների գլխաքանակը:
☎️ Չհամարակալված խոշոր եղջերավոր կենդանիների առկայության դեպքում խնդրում ենք դիմել հաշվառումն իրականացնող անասնաբույժ-մասնագետին կամ զանգահարել «Գյուղատնտեսական ծառայությունների կենտրոն» ՊՈԱԿ՝ 012-595-939 հեռախոսահամարով։ Չհամարակալված խոշոր եղջերավոր կենդանիները պետք է անմիջապես համարակալվեն համայնքը սպասարկող անասնաբույժի կողմից և գրանցվեն «Անի Պաս» էլեկտրոնային տեղեկատվական համակարգում։
Կենդանիների համարակալման և հաշվառման գործընթացը ֆինանսական բեռ չի ավելացնում գյուղացու կամ ֆերմերի համար։ Ուստի խնդրում ենք ոչ միայն չխոչընդոտել, այլև աջակցել հաշվառումն իրականացնող խմբերին։
Մեկնաբանություն