Արհեստական բանականության (AI) տեխնոլոգիաները կազդեն աշխարհում աշխատատեղերի գրեթե 40%-ի վրա, Արժույթի միջազգային հիմնադրամի (ԱՄՀ) գործադիր տնօրեն Քրիստալինա Գեորգիևան այս թիվը հրապարակել է հիմնադրամի կայքի իր սյունակում։
Զարգացած տնտեսություններում, ըստ ԱՄՀ-ի ղեկավարի, արհեստական ինտելեկտի ազդեցության տակ գտնվող աշխատատեղերի մասնաբաժինը կազմում է 60%։ Զարգացող տնտեսությունների համար այդ ցուցանիշը կազմում է 40%, իսկ ցածր եկամուտ ունեցող երկրների համար՝ 26%։
Նա ընդունել է, որ արհեստական ինտելեկտը կնպաստի համաշխարհային տնտեսական զարգացմանը, միաժամանակ նշել է զբաղվածության նվազման վտանգի մասին։
Նրա խոսքով՝ զարգացող երկրներում աշխատաշուկան ավելի քիչ է ենթարկվում արհեստական ինտելեկտի ազդեցությանը, նրանցից շատերը չունեն ենթակառուցվածք կամ որակյալ մասնագետներ՝ AI տեխնոլոգիաներից օգտվելու համար, ինչը միևնույն ժամանակ սպառնում է մեծացնել երկրների միջև գլոբալ անհավասարությունը։
«Մենք կարող ենք որոշակիորեն ասել, որ մենք պետք է մշակենք մի շարք միջոցառումներ՝ արհեստական բանականության հսկայական ներուժն անվտանգ օգտագործելու համար », — ասել է նա: .
Նաև արհեստական ինտելեկտի կիրառման մարտահրավերների թվում Գեորգիևան ընդգծել է սոցիալական լարվածության հնարավոր աճը, որը պետք է կանխեն երկրների օրենսդիրները՝ ստեղծելով հատուկ ծրագրեր այն աշխատողների համար, որոնք կկրեն տեխնոլոգիայի բացասական ազդեցությունը:
Նաիրա Մայիլյան
Աղբյուրը՝ armradio.am
