Ռուսաստանի դեմ էներգետիկ պատժամիջոցները արդյունավետ չեն եղել, իսկ դիզվառելիքի նոր սահմանափակումները միայն կթուլացնեն դրանց արդյունավետությունը, քանի որ Ռուսաստանի Դաշնությունը կարող է մեծացնել հում նավթի առևտուրը։ Այդ մասին գրում է The Economist-ը։ Հաշվի առնելով, որ դեկտեմբերին ռուսական նավթի դեմ սահմանված պատժամիջոցներն արդյունավետ էին, արևմտյան երկրները որոշեցին սահմանափակումներ մտցնել Ռուսաստանից դիզվառելիքի նկատմամբ։ Սակայն այս որոշումը միայն կթուլացնի արեւմտյան պատժամիջոցների արդյունավետությունը, քանի որ Ռուսաստանը կարող է մեծացնել իր անմշակ նավթի վաճառքը։
Հրատարակության տվյալներով՝ արևմտյան կազմակերպությունները, որոնք զբաղվում են հաշվարկներով, դեռ չեն հարմարեցրել իրենց մեթոդները նոր պայմաններին։ Խոսքն այն մասին է, որ այժմ ռուսական նավթը վաճառվում է փակ խողովակներով, որտեղ դիտարկումներն անհնարին են։ Բացի այդ, իրական գները դժվար է իմանալ, քանի որ շուկայի շատ մասնակիցներ շահագրգռված են միայն ձևացնել, թե դրանք իսկապես ցածր են:Հրատարակությունը հավելել է, որ ժամանակի ընթացքում կարող են անհետանալ Ռուսաստանի դեմ սահմանված սահմանափակումների հետեւանքները։ Օրինակ՝ հում նավթի վաճառքը կարող է կտրուկ ընդլայնվել՝ ակտիվացնելով ստվերային առևտուրը։ Եվրոպան ավելի հաճախ դիզվառելիքի համար կդիմի Չինաստանին և Հնդկաստանին, բայց դա, ամենայն հավանականությամբ, կգա Ռուսաստանից։
Մեկնաբանություն