ՌԴ նախագահ Վլադիմիր Պուտինը Պետդումայի խմբակցությունների ղեկավարների հետ հանդիպմանը հայտարարել է, որ Ռուսաստանի դեմ արևմտյան երկրների «տնտեսական բլից-կրիգը» ձախողվել է։
«Ռուսաստանի դեմ կիրառվող անօրինական միջոցները մեզ համար դժվարություններ են ստեղծում, սա ակնհայտ փաստ է, բայց ոչ բոլորովին այն, ինչի վրա հույսը դրել էին Ռուսաստանի դեմ տնտեսական բլիցկրիգի նախաձեռնողները», — մեկնաբանել է նախագահը պատժամիջոցների ազդեցությունը։
Պուտինը նաև բացատրել է, որ պատժամիջոցների կիրառման նպատակը «մեր հասարակության մեջ տարաձայնություն, խառնաշփոթ սերմանելն էր, մարդկանց բարոյալքելը»։ Նախագահի խոսքով, այստեղ ձախողվել են նաև արևմտյան երկրները. Պուտինը հայտարարեց, որ վստահ է, որ ապագայում էլ նրանցից ոչինչ չի ստացվի։
Ավելի վաղ Պուտինը հայտարարել էր, որ ռուսական էներգետիկ ընկերությունները պետք է պատրաստ լինեն ԵՄ նավթի էմբարգոյին, սահմանափակումների հեռանկարները քննարկվել են վառելիքաէներգետիկ համալիրի վերաբերյալ վերջին հանդիպմանը։
Ավելի վաղ, Շվեյցարիան պատժամիջոցներ էր սահմանել Ռուսաստանի Դաշնության դեմ: Դաշնային խորհուրդն ընդգծել է, որ պատժամիջոցները ներառում են էմբարգո հում նավթի և ռուսական ծագման նավթամթերքի որոշ տեսակների նկատմամբ։
Մեկնաբանություն