Մոսկվայի բորսայում ռուսական ֆոնդային շուկան բացվել է հիմնական ինդեքսների նվազմամբ

Ռուսական ֆոնդային շուկան բացվել է առաջատար ինդեքսների անկումով։ Այս մասին են վկայում մոսկովյան բորսայի տվյալները։ Մոսկվայի ժամանակով ժամը 10:00-ի դրությամբ Մոսկվայի բորսայի ինդեքսը  2641,79 կետի մակարդակում էր (-0,79%)։ Իսկ Մոսկվայի ժամանակով ժամը 10:14-ի դրությամբ մոսկովյան բորսայում ռուբլու ինդեքսը կորցրել է 1,22 տոկոս և  2630,23 կետի մակարդակում է։ RTS դոլարի ինդեքսը 991,22 կետում է (-1,35%)։Սակայն Մոսկվայի ժամանակով ժամը 11.55-ին հիմնական ցուցանիշները վերադարձել են։ Մոսկովյան բորսայում ռուբլու ինդեքսը եղել  է 2668,82 կետի մակարդակում (+0,23%)։ RTS ինդեքսը 1010,14 կետի մակարդակում է (+0,54%)։

Ավելի վաղ Ռուսաստանի Կենտրոնական բանկը հայտարարել էր, որ որոշել է մարտի 29-ին ընդլայնել առևտուրը Մոսկվայի բորսայում։ Նշվում է, որ դաշնային վարկային պարտատոմսերով առևտուրը կիրականացվի Մոսկվայի ժամանակով ժամը 9:50-ից մինչև 18:50-ը, ինչպես նաև Մոսկվայի ժամանակով 9:30-ից մինչև 19:00-ը բանակցային գործարքների ռեժիմով։