Գարունը եկավ՝ իր հետ բերելով «Առանց սեր չկա գարուն» երգողներին, երգողներից նյարդայնացողներին և, իհարկե, բերելով բոլորիս հուզող հարցը՝ ի՞նչ նվիրել Մարտի 8-ի և կանանց միամսյակի կապակցությամբ։
Անկախ սեռից՝ բոլորս ունենք իգական սեռի նվազագույնը մեկ սիրելի ներկայացուցիչ, ում համար լավ նվեր ընտրելը ցանկալի է․ մայրիկը, քույրիկը, դուստրը կամ սիրելի կինը, գուցե, համեստության փորձեր անեն՝ հիշեցնելով, որ պարտադիր չէր նվերը, և որ նրանք ձեզ առանց նվեր էլ են շատ սիրում, բայց դե մենք էլ գիտենք, որ առանց նվեր չի լինի։ Այսպիսի պնդումներն առանց հուշումների չեն անում, ուրեմն՝ մի քանի գաղափար տանք, թե ինչ կարող եք ընտրել սիրելի ու նուրբ էակի համար։
- Ժամացույց․ լավ ու որակյալ ժամացույցը կամ աքսեսուարը, հատկապես իր սիրելի ապրանքանիշի, կարող է հրաշալի նվեր լինել Մարտի 8-ի համար։ Ու չասեք, թե երջանիկները ժամացույցին չեն նայում․ ժամացույց նվիրեք, որ նա ձեր հանդիպումներից էլ երբեք չուշանա։
- Տնային հագուստի պարագաներ․ որքան էլ ոգևորեք նրան փայլել ու գրավել աշխարհը օրվա ընթացքում, երեկոյան տուն մտնելուց հետո նրան հնարավորություն տվեք վայելելու տանը մնալու ողջ հարմարավետությունը, հանգստանալու ու ուժերը վերականգնելու պահերը։ Նվիրեք նրան տնային հագուստի պարագաներ՝ փափուկ հողաթափեր, հարմարավետ տնային հագուստ, սրբիչներ, փափուկ գիշերազգեստ, ծածկոց․․․ հաստատ շա՜տ կուրախացնեք։
- Խնամքի պարագաներ․ թաքուն պարզեք՝ խնամքի ինչ ապրանքանիշ ու ինչ միջոցներ է օգտագործում նա, և անգամ եթե դա Ձեզ սովորական ու առօրյա թվա, հավատացնում ենք՝ նախընտրելի խնամքը նվեր ստանալը երբեք չի հիասթափեցնի ոչ մի կնոջ։
- Ուտելի նվերներ․ մի մտածեք, թե այս միտքը հնացել է։ Եթե իգական սեռի Ձեր սիրելի էակը Ձեզ պես շատ է սիրում համեղ սնվել կամ յուրահատուկ դելիկատեսներ փորձել, ուրեմն էլ ի՞նչ ունեք մտահոգվելու։ Սիրուն փաթեթավորման ու նրբագեղ ծաղիկների հետ համեղ զամբյուղն անտարբեր չի թողնի ոչ մի կնոջ։
- Եթե նորից չեք կողմնորոշվում՝ ինչ նվեր ընտրել, վերևում նշված գաղափարներն էլ Ձեր սրտով չեն, ապա ամենաօպտիմալ տարբերակը նվեր-քարտը կլինի։ Ուղղակի այս անգամ փոքր-ինչ տարբերվեք ու փոքրիկ կիսադատարկ տոպրակով նվեր-քարտ պարգևելու փոխարեն ուղարկե՛ք նրան idplus-ի թվային նվեր-քարտ՝ հնարավոր առաջարկներից ընտրելով հենց այն վաճառակետը, որից նա հաստատ հաճույքով կօգտվի։ Հաշված վայրկյաններ, ու Ձեզ հարմար գումարի չափով նվեր-քարտը նրա մոտ կլինի։ Ի դեպ՝ idplus-ի նվեր-քարտով կարելի է վճարել ամենուր, ուր կա Իդրամով վճարման հնարավորություն, այսինքն՝ ավելի քան 20․000 վաճառակետերում։
- Եվս մի հրաշալի գաղափար Իդրամի հետ․ Մարտի 8-ի առթիվ նվերներ ընտրելիս կարելի է ստանալ 20% զեղչ միանգամից 8 վաճառակետերում, եթե վճարումը կատարվի Idram QR-ով։
Իսկ հիմա գնացեք ու մտածեք՝ ինչ եք նվիրելու։ Ինչ նվեր էլ որ ընտրեք, վճարումներն ապահով, արագ ու հարմարավետ կատարելու համար Իդրամ ունեք, և եթե նախորդ անգամների նման ամսվա բյուջեն չեք պլանավորել ու նվերի համար գումար չեք դրել «մի կողմ», ապա առանց հուզվելու ու նեղվելու կարող եք վճարել Rocket Line-ով, որը հասանելի է ամենուր, ուր կա Իդրամով վճարելու հնարավորություն։ Իսկ Rocket Line 0%-ով կարող եք վճարել ավելի քան 8500 վաճառակետերում՝ ձեռք բերելով ապրանքը նույն վայրկյանին, իսկ վճարումը կատարելով ավելի ուշ, առանց անգամ մեկ դրամ ավել վճարելու։
Վերջում պարզապես ուզում ենք հիշեցնել, որ ինչ էլ նվիրեք, հիշեք, որ ամենալավ նվերը սրտանց ու սիրով ընտրվածն է։
ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ
Մեկնաբանություն