Գերմանիան ժամանակավորապես կազգայնացնի «Գազպրոմի» գերմանական դուստր ձեռնարկությունը՝ «Գազպրոմ Գերմանիա» հոլդինգը, որը մինչև սեպտեմբերի 30-ը կանցնի գերմանական էներգետիկ կարգավորիչի վերահսկողության տակ։ Այս մասին ճեպազրույցում հայտարարել է Գերմանիայի էկոնոմիկայի նախարար Ռոբերտ Հաբեկը,- գրում է Bloomberg-ը։ Ազգայնացման որոշումը կայացվել է այն բանից հետո, երբ «Գազպրոմը» ապրիլի 1-ին առանց Գերմանիայի կառավարության հավանության դուրս եկավ «Գազպրոմ Գերմանիա»-ից, ինչը խախտում է Գերմանիայի օրենսդրությունը:
«Դաշնային կառավարությունն անում է ամեն ինչ, որպեսզի ապահովի Գերմանիա մատակարարումների անվտանգությունը: Մենք թույլ չենք տա, որպեսզի Գերմանիայում էներգետիկ ենթակառուցվածքը ենթարկվի Կրեմլի կամայական որոշումներին»,- ասել է նախարարը։ «Գազպրոմ Գերմանիա»-ն Աստորայի միջոցով տիրապետում է Գերմանիայի ամենամեծ ստորգետնյա գազի պահեստարանին, որը համարվում է երկրի էներգետիկ անվտանգության կարևորագույն տարրերից մեկը: «Գազպրոմը», հայտարարելով, որ այլեւս «Գազպրոմ Գերմանիա»-ի սեփականատերը չէ, հրաժարվել է նշել ընկերության նոր սեփականատիրոջ անունը։ Գերմանական կարգավորող մարմինների տվյալներով ՝ ռուսական մենաշնորհը նախորդ տարվա հոկտեմբերին Մոսկվայում գրանցված «Գազպրոմ Գերմանիա» ընկերությունը վերագրանցել է Palmary-ում։ Նրա վերջնական իրական սեփականատերը չի նշվում: Սեփականության նման փոխանցումը խախտում է Գերմանիայի արտաքին առևտրի օրենքը,- ասել է նախարար Հաբեկը։ «Գազպրոմ»-ի անջատումը «Գազպրոմ Գերմանիա»-ից տեղի ունեցավ այն բանից հետո, երբ եվրոպական հակամենաշնորհային իշխանությունները մարտի վերջին գրոհեցին «Գազպրոմ»-ի գերմանական դուստր ձեռնարկությունների գրասենյակները: Մարտի 30-ին «Գազպրոմ»-ի գերմանական գրասենյակները խուզարկվցին։ Ապրիլի 1-ին խուզարկություններից հետո «Գազպրոմը» շտապ դուրս է բերել «Գազպրոմ Գերմանիա» հոլդինգն իր կառուցվածքից։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն