ԵՄ անդամ որոշ երկրներ դեմ են Ռուսաստանից նավթի մատակարարումների արգելքի սահմանմանը։ Այս մասին հայտնում է Financial Times-ը ՝ հղում անելով ԵՄ բարձրաստիճան պաշտոնյայի, որի անունը չի նշվում։ Թերթի զրուցակիցը չի նշել նավթի էմբարգոյին դեմ արտահայտվող կոնկրետ պետություններ։ Սակայն նա պարզաբանել է, որ մի շարք երկրների համար, որոնք լրջորեն կախված են ռուսական նավթի մատակարարումներից, դրա արգելքը դժվար կլինի «թե՛ քաղաքական, թե՛ տեխնիկական առումով»։
Անցյալ շաբաթ ԵՄ-ն ներկայացրել է Ռուսաստանի դեմ պատժամիջոցների հինգերորդ փաթեթը։ Բայց նավթի էմբարգոն դրա մեջ չի ներառվել։ Reuters-ի փոխանցմամբ ՝ սահմանափակումների նախապատրաստման ժամանակ քննարկվել է հումքի մատակարարման արգելքը, դրան կողմ են եղել Բալթյան երկրները, դեմ է եղել ռուսական նավթի խոշորագույն ներկրող Գերմանիան։
Ապրիլի 5-ին Եվրահանձնաժողովի ղեկավար Ուրսուլա ֆոն դեր Լեյենը հայտարարեց, որ նավթի սահմանափակումները քննարկվում են հակառուսական պատժամիջոցներ մշակելիս։ Երկու օր անց Եվրախորհրդարանը բանաձեւ ընդունեց, որը կոչ էր անում հրաժարվել ռուսական էներգակիրների ամբողջ ներմուծումից։ Փաստաթուղթը խորհրդատվական բնույթ ունի։ Ռուսաստանի դեմ նավթային էմբարգո մտցնելու համար անհրաժեշտ է ԵՄ բոլոր 27 անդամ երկրների հավանությունը։ Նման միջոցառմանը դեմ է, մասնավորապես, Հունգարիայի կառավարությունը։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն