ԵԿԲ. Ռուսական ակտիվների ապահովմամբ պարտատոմսերի թողարկման ԱՄՆ պլանը իրավական ռիսկեր է պարունակում
Հարավային Կորեան 200 մլն դոլարի մարդասիրական օգնություն կտրամադրի Ուկրաինային
36 կգ ոսկյա ձուլակտորների հափշտակության գործով հետապնդում է հարուցվել 12 անձի նկատմամբ, 5-ը կալանավորվել է
Ֆրանսիան դարձել է ռուսական գազի հիմնական գնորդը ԵՄ երկրների շարքում
Մինչև 1% cashback Wildberries-ում IDBank-ի քարտով վճարելիս
Կրիպտոարժույթի շուկայում արժեզրկում է տեղի ունենում
ԵՄ ռազմական բյուջեն ռուս-ուկրաինական հակամարտության մեկնարկից ի վեր ավելացել է 20%-ով
ԱՄՀ-ն կանխատեսում է Հայաստանի ՀՆԱ-ի 6% աճ 2024 թվականին
Formula VC-ն ներդում է կատարել Audigo Labs ստարտափում
5-6 տարվա ընթացքում կրթությունը Հայաստանում թանկացել է 20-30 տոկոսով
ՊԵԿ-ը կանխել է մաքսային հսկողությունից թաքցված 67 կգ դեղորայքի տեղափոխումը
2022-ի փետրվարի վերջից Ուկրաինան ԱՄՆ-ից ստացել է մոտ 23 միլիարդ դոլարի բյուջետային օգնություն
Մեկ օրում հանրապետությունում արձանագրվել է 15 ՃՏՊ. 1 մարդ զոհվել է, 17-ը՝ վիրավորվել
G7-ի և G20-ի անդամ երկրների ֆինանսների նախարարները կհանդիպեն Վաշինգտոնում
ԱՄՆ-ում կառուցվել է աշխարհի ամենամեծ թվային ֆոտոխցիկը՝ 3200 մեգապիքսել լուծաչափով
Wildberries-ը սկսում է մեքենաների վաճառք
ԱՄՆ ՄԶԳ-ն 33 մլն դոլարի աջակցություն կտրամադրի Հայաստանին
ՀՀ-ում ամեն 3-րդ երեխան ապրում է աղքատության մեջ, ԵԱՏՄ-ում ամենաաղքատն ենք համարվում. զեկույց
ՀՀ կենտրոնական բանկը, ArCa-ն եւ ISAA-ը՝ Doing Digital Awards-ի մրցանակակիրներ
Հայաստանը 16 կետով բարելավել է դիրքերը Դրական խաղաղության զեկույցում

Գորիսում երեխաները ֆրանսերեն կուսումնասիրեն նոր դասասենյակում

Փտր 10, 2023 16:57
43
ADS

Գորիսի Յուրի Բախշյանի անվան 3-րդ հիմնական դպրոցում երեխաներն արդեն ունեն սիրելի նոր անկյուն. նրանց համար ֆրանսերենի ուսուցման նոր դասասենյակ է բացվել։
Դասասենյակը հագեցած է մուլտիմեդիա բոլոր հնարավորություններով, կրթական նյութերը և գրականությունը բերվել է Ֆրանսիայից՝ ինտերակտիվ ու արդյունավետ  դասեր կազմակերպելու նպատակով:
Դպրոցի ֆրանսերենի դասասենյակը կահավորել և տեխնիկապես վերազինել է «Ստեփան Գիշյան» բարեգործական հիմնադրամը՝ «Կայուն զարգացման հայկական հիմնադրամի» հետ։
«Կա ամեն բան, որ հնարավորինս բազմակողմանի ու արդյունավետ կազմակերպվեն ֆրանսերենի դասերը։ Մենք գիտենք, որ օտար լեզվի իմացությունը նոր պատուհան է բացում անհատի առջև, փորձում ենք խթան հանդիսանալ, որ երեխաները հեշտությամբ հաղթահարեն լեզվի դժվարությունները, յուրացնեն ու հաճույքով հաճախեն դասերին»,- նշել է «Ստեփան Գիշյան» բարեգործական հիմնադրամի տնօրեն Աննա Գիշյանը։
«Արդեն մի քանի տարի է, ինչ համագործակցում ենք «Ստեփան Գիշյան» բարեգործական հիմնադրամի հետ։ Միասին ստեղծել ենք ֆրանսերենի 7 դասասենյակ։ Ամեն անգամ դպրոցներ այցելելիս հաճելիորեն զարմանում ենք՝ տեսնելով  կատարված աշխատանքը։ Ցանկանում ենք, որ ֆրանսերենն արժևորող և ֆրանկոֆոնիայի տարածմանն ուղղված այս ծրագիրը շարունակական լինի»,- նշել է «Կայուն զարգացման հայկական հիմնադրամի» հոգաբարձուների խորհրդի նախագահ Ալեն Տուհադյանը։
«Որոշում կայացրեցինք բացել ֆրանսերենի դասասենյակ, որը կօժանդակի երեխաներին ֆրանսերենն ավելի լավ տիրապետելու համար։ Դասասենյակի կահավորման խնդիր ունեինք, դիմեցինք «Ստեփան Գիշյան» բարեգործական հիմնադրամին, դրական պատասխան ստացանք և դասասենյակը կահավորվեց»,- նշել է դպրոցի տնօրեն Դավիթ Կոստանդյանը։
Յուրի Բախշյանի անվան դպրոցը «Ստեփան Գիշյան» բարեգործական հիմնադրամի 2022 թվականի հաղթող դրամաշնորհային նախագծերից մեկն է։
«Ստեփան Գիշյան» բարեգործական հիմնադրամը մեկնարկել է  2023 թվականի դրամաշնորհային հայտերի ընդունումը։ Օնլայն դիմում հայտերի ընդունման գործընթացը կտևի մինչև  ս.թ. մարտի 15-ը ներառյալ։
«Ստեփան Գիշյան» բարեգործական հիմնադրամը ստեղծվել է Ակբա բանկի, ֆրանսիական Կրեդիտ Ագրիկոլ, Կրեդիտ Ագրիկոլ Ազգային Ֆեդերացիայի և Գիշյան ընտանիքի կողմից: Հիմնադրամի ծրագրերը ուղղված են հայ-ֆրանսիական կապերի ամրապնդմանը, Հայաստանի սոցիալ-տնտեսական, գիտակրթական, մշակութային, առողջապահական համակարգերի բարելավմանն ու կատարելագործմանը:

Մեկնաբանություն