Թվային ռուբլին ինտեգրվել է ՌԴ հարկային համակարգ
ՌԴ նախագահական ընտրությունները տևելու են 3 օր
Կապիտալ ծախսերը 24թ.-ին 18թ-ի համեմատ կաճեն 300%
Երեւանում առքուվաճառքի գործարքները նվազել են 21,6%
Բիզնես լրահոսի մանրամասները՝ www.abnews.am կայքում
Աշխատանքի է գտել բռնի տեղահանված 5351 անձ
ՀՀ-ից նոյեմբերին արտահանվել է 11,5 հզ․ տ. սննդամթերք
Հայաստանը ստացել է $2.9 մլն դրամաշնորհ
Հիմնանորոգվում է Գավառ-Գեղարքունիք ճանապարհը
11 ամսում ՀՀ է այցելել 2,2 մլն զբոսաշրջիկ. Քերոբյան
Բելառուսի ոսկեարժութային պահուստները հասել են $8.26 մլրդ.
Չինաստանի արտաքին առևտրի ծավալը կրճատվել է 5.6%-ով
Սնուփ Դոգի համերգը կկայանա 24թ.
Կոլյա Միքայելյանը նշանակվել է Վայոց Ձորի մարզպետ
23թ. նոյեմբերին ՀՀ է այցելել 150 հազար զբոսաշրջիկ
Ծխախոտի արտադրությունն աճել է 16,5%
ՀՆԱ-ի նկատմամբ պաշտպանական ծախսերը նվազել են 0.3%
ՀՀ-ում էլ.էներգիայի արտադրությությունը կազմել է 7,3 մլրդ կՎտ/ժ
Անշարժ գույքի վարձի 10%-ը պետք է վճարվի պետությանը. ՊԵԿ
Ավելի քան ֏260 միլիոն տուգանք՝ նոյեմբերին. ՊԵԿ

Հայաստան կներկրվի քաղաքային նշանակության նոր 15 տրոլեյբուս

Հնս 16, 2023 17:44
28
ADS

Կառավարության որոշումներով գերակա ոլորտում իրականացվող ներդրումային ծրագրի շրջանակում մաքսատուրքից ազատման արտոնությունից օգտվելու թույլտվություններ են տրամադրվել «Երևանի էլեկտրատրանսպորտ» և «ԱԷՍ թրեյդ» ընկերություններին,- գրում է Ejc.am-ը։

«Երևանի էլեկտրատրանսպորտ»-ը մայրաքաղաքի բնակչության կանոնավոր տրանսպորտային սպասարկումն ապահովելու համար նախատեսում է տրոլեյբուսային երթուղիների շահագործման աշխատանքների կազմակերպումը քաղաքային նշանակության նոր ներկրվող թվով 15 տրոլեյբուսներով։ Նախատեսվում է ներկրել YUTONG BUS ZK6128BEVG մակնիշի՝ հաշմանդամություն ունեցող անձանց սպասարկման համար հարմարեցված, 25+2 փափուկ նստատեղերի առկայությամբ և ոչ պակաս քան 85 ուղևորի տեղափոխման հնարավորությամբ, ինքնավար վազքով (հպակային ցանցից դուրս` առնվազն 60կմ ընթացք, 60կմ/ժ առավելագույն արագություն), սրահի տաքացման և սառեցման համակարգով օժտված թվով 15 անռելս տրոլեյբուս, ինչը թույլ կտա քաղաքային տրանսպորտի թվով 5 երթուղիները համալրել նոր շարժակազմով և էականորեն ավելացնել վերգետնյա էլեկտրատրանսպորտի որակյալ ծառայություններից օգտվողների քանակը։ Տրոլեյբուսային ցանցի հնարավոր զարգացումը կբեռնաթափի նաև հասարակական տրանսպորտի որոշ երթուղիներ՝ իրականացնելով բնակչության ապահով ու անվտանգ տեղափոխումն էկոլոգիապես մաքուր էլեկտրատրանսպորտով։ Ծրագրի շրջանակում նախատեսվում է իրականացնել 2.1 մլրդ դրամի ներդրում տրոլեյբուսների ձեռքբերման համար։ Նախատեսվում է ներդրումային ծրագրի շրջանակներում ստեղծել 40 նոր աշխատատեղ՝ 196 հազար դրամ միջին ամսական աշխատավարձով։ Արտոնություն ստանալու համար ներկայացված ապրանքների արժեքը կազմում է 2.1 մլրդ դրամ: Մաքսատուրքից ազատման արտոնությունը գնահատվում է 311.8 մլն դրամ:

«ԱԷՍ թրեյդ» ընկերությունը ներմուծվող հումքը նախատեսում է օգտագործել ՊՎՔ պրոֆիլների արտադրության համար։ Ընկերությունը նախատեսում է թողարկված արտադրանքը իրացնել ՀՀ տարածքում, իսկ մնացած մասը արտահանել Վրաստան։ Արտադրությունն իրականացվելու է Երևանում՝ արդեն իսկ իրականացնելով 30 մլն դրամի ներդրում։ Ծրագրի շրջանակում նախատեսում է իրականացնել 200 մլն դրամի ներդրում շինարարական աշխատանքների իրականացման և հիմնական միջոցների ձեռքբերման համար։ Նախատեսվում է ներդրումային ծրագրի շրջանակներում ստեղծել 5 նոր աշխատատեղ՝ մինչև 220 հազ դրամ միջին ամսական աշխատավարձով։ Արտոնություն ստանալու համար ներկայացված ապրանքների արժեքը կազմում է 15 մլրդ դրամ: Մաքսատուրքից ազատման արտոնությունը գնահատվում է 922 մլն դրամ:

 

Մեկնաբանություն