Եվրամիության երկրների էներգետիկայի նախարարները պայմանավորվել են բացառել ռուսական գազը համատեղ գնումների պայմանագրերից։ Այս մասին հայտնում է РИА Новости-ն ՝ հղում անելով Բրյուսելում ԵՄ պաշտոնյաների ոչ պաշտոնական հանդիպման արդյունքներով կազմված փաստաթղթին։ Ըստ թերթի, Եվրամիության երկրները պայմանավորվել են գնման համատեղ մեխանիզմի միջոցով գալիք տարվա ընթացքում գնել առնվազն 13,5 միլիարդ խորանարդ մետր կամ պահեստարանները լցնելու համար անհրաժեշտ գազի ընդհանուր ծավալի 15 տոկոսը։ Միաժամանակ էներգետիկայի նախարարներն ընդգծել են, որ ռուսական գազը չի ներառվի համատեղ գնումների մեջ,- ասվում է փաստաթղթում։
Սակայն տեքստը չի սահմանում «ռուսական գազ» տերմինը, և դա Եվրամիության երկրներին մանևրելու հնարավորություն է թողնում։ Հնարավոր է, որ Ռուսաստանում արտադրված, բայց միջնորդների միջոցով գնված վառելիքը ռուսական չհամարվի։Հրատարակությունը պարզաբանում է, որ գնումների համատեղ մեխանիզմը ենթադրում է միջնորդի վարձում, որը կծանոթանա Եվրամիության գազային ընկերությունների կարիքների վերաբերյալ տվյալներին, այնուհետև կգտնի մատակարար։ ԵՄ երկրները կպարտավորեցնեն ընկերություններին օգտվել մատակարարի ծառայություններից, որպեսզի գնված գազի մասնաբաժինը 2023 թվականին հասնի պահեստարանների լրացման պարտավորությունների 15%-ին,- ասվում է փաստաթղթում։
