Եվրահանձնաժողովը 5 տարի ժամկետով մաքսատուրքեր կսահմանի Ռուսաստանից և Թուրքիայից կոռոզիոն դիմացկուն պողպատի մատակարարման համար,- հայտնում է Interfax-ը ՝ հղում անելով ԵՀ-ի նյութերին։ Նշվում է, որ պատժամիջոցներ կիրառելու մասին որոշումն ընդունվել է հակադեմփինգային հետաքննության ավարտից հետո, որը Եվրահանձնաժողովը նախաձեռնել էր 2021 թվականի հունիսին։ Հետաքննությունն իրականացվել է պողպատի եվրոպական ֆեդերացիայի Eurofer-ի պահանջով։ Այն մեղադրել է ռուս և թուրք մետաղ արտադրողներին արհեստականորեն ցածր գներով ցինկապատ պողպատի վաճառքի մեջ։
Eurofer-ի ներկայացուցիչները պարզել են, որ ներկրված ընդհանուր 1,17 մլն տոննա ցինկապատ պողպատից պարույրներից 315,3 հազար տոննան եկել է Թուրքիայից, 114,5 հազար տոննան ՝ Ռուսաստանի Դաշնությունից։ Հետաքննության ընթացքում Ռուսաստանից և Թուրքիայից ներկրված պողպատի ծավալն ավելի քան հնգապատկվել է ՝ հասնելով ավելի քան 1 մլն տոննայի, իսկ շուկայի մասնաբաժինը աճել է մինչև 13,1%։ Միևնույն ժամանակ, մատակարարումները կատարվել են Եվրոպայի միջին շուկայական գներից ցածր գներով ՝ չնայած մաքսատուրքերին։
Եվրահանձնաժողովը նաև ընդգծել է, որ կիրառված պատժամիջոցների պատճառով Ռուսաստանից Եվրոպա պողպատե արտադրանքի մատակարարումը սահմանափակ է, իսկ չժանգոտվող պողպատի ներմուծումն ամբողջությամբ արգելված է։
Մեկնաբանություն