Ակբա Բիզնես ակումբում տարբեր ոլորտների գործարարները քննարկում և քարտեզագրում են այն խնդիրները, որոնք խոչընդոտում են Հայաստանում բիզնեսի զարգացմանը։
Հայաստանի ֆինանսական համակարգում Acba Business Club-ի ձևաչափը եզակի է. բանկի համար կարևոր է գործարար աշխարհին աջակցելը և գիտելիքահենք բիզնես միջավայրի ստեղծումը։
«Մենք այստեղ հնարավորություն ենք ունենում շփվել մեր գործընկերների հետ, մեր գործընկերները հնարավորություն են ունենում շփվել այլ գործընկերների հետ, ձեռք բերել գործարար կապեր, ծանոթանալ միմյանց բիզնեսներին, ոլորտային նորություններ լսել»,-նշել է Ակբա բանկի բիզնես գործառույթների համակարգման գծով գլխավոր գործադիր տնօրենի տեղակալ Արսեն Մելքոնյանը:
«Այսօրվա հանդիպման առանցքում գործարար համայնքի հիմնախնդիրներն են և այն խոչընդոտները, որ իրենք հանդիպում են իրենց գործունեության ընթացքում։ Գործընկերների հետ քննարկումների միջոցով փորձում ենք վեր հանել այն խնդիրները, որ թույլ չեն տալիս իրենց առաջ շարժվել»,- նշել է Ակբա բանկի ոչ ֆինանսական ծառայությունների թիմ լիդեր Արմինե Թումանյանը։
Յուրաքանչյուր հանդիպմանն Ակբա Բիզնես ակումբը համալրվում է նոր անդամներով, ստեղծվում են նոր գործարար կապեր և գործընկերային հարաբերություններ։
«Ակբա Բիզնես Փարթնր» ենթաբրենդի ներքո ՓՄՁ ղեկավարներին հնարավորություն է տրվում ձեռք բերել նոր գիտելիքներ և կառավարման համար անհրաժեշտ գործիքներ, հաստատել նոր գործարար կապեր, ինչպես նաև դառնալ բիզնես համայնքի անդամ։ «Ակբա Բիզնես Փարթնր» ենթաբրենդի շրջանակում ՓՄՁ ղեկավարները կարող են՝
- մասնակցել անվճար բիզնես դասընթացների,
- դառնալ Ակբա Բիզնես ակումբի անդամ,
- օգտվել sme.acba.am օնլայն բիզնես հարթակի հնարավորություններից,
- առավել ճանաչելի դարձնել սեփական արտադրանքը՝ մասնակցելով «Արտադրված է մեր գործընկերների կողմից» նախագծին։
Ակբա Բիզնես ակումբը հարթակ է, որը հնարավորություն է ընձեռում ՓՄՁ ղեկավարներին հաստատել նոր գործարար կապեր, մասնակցել թեմատիկ միջոցառումների, լինել բիզնես իրադարձությունների կիզակետում, ինչպես նաև օգտվել գործընկեր կազմակերպությունների կողմից տրամադրվող հատուկ առաջարկներից։
Ակբա Բիզնես ակումբը նոր հեռանկարների և հնարավորությունների սկիզբ է բիզնեսների համար։
Բանկը վերահսկվում է ՀՀ ԿԲ կողմից։
Մանրամասն՝ տեսանյութում։
Մեկնաբանություն