Apple-ի պրոդուկտները նկարագրող Մարկ Գուրամի տվյալներով՝ սեպտեմբերին տեխնոհսկան ներկայացնելու է iPhone 15-ը և 15 Pro-ն, ինչպես նաև Apple Watch-ի նոր տարբերակը: Հոկտեմբերին էլ ընկերությունը հայտարարելու է M3 նոր պրոցեսորների հիմքով Mac համակարգիչների մասին,- գրում է how2b.am-ը:
2023 թվականի աշնանը Apple-ն անցկացնելու է երկու պրեզենտացիա, որոնցից մեկի ժամանակ՝ հոկտեմբերին, ընկերությունը կներկայացնի M3 պրոցեսորների հիմքով առաջին համակարգիչները: Այդ մասին հայտնում է Bloomberg-ը:
Գուրմանի տվյալներով՝ M3 պրոցեսորները սկզբում կհայտնվեն Apple iMac մոնոբլոկում, ինչպես նաև MacBook Air և MacBook Pro համակարգիչներում: Նոր iMac-ը ամենայն հավանականությամբ արտքնապես չի փոփոխվի. հիմնական փոփոխությունները վերաբերվելու են միայն պրոցեսորին:
Բայց Bloomberg-ի թղթակից Գուրմանը նշում է, որ այս աշնանը չաժե մեծ սպասումներ ունենալ iPad-ից: M3 պրոցեսորով iPad Pro OLED-ը կներկայացվի միայն հաջորդ տարի: Սեպտեմբերին Apple-ը պետք է ներկայացնի iPhone 15-ն ու iPhone 15 Pro-ն: Թիմը նաև հայտարարելու է նոր սերնդի Apple Watch-երի թողարկման մասին: Սմարթֆոնից, նոութբուքերից և մոնոբլոկից զատ՝ ընկերությունն այս պահին նաև աշխատում է AirPods Pro 3-ի, նոր Apple TV-ի և տնային սմարթ-դիսփլեյների վրա:
Մեկնաբանություն