ԼՂ-ից բռնի տեղահանվածներից յուրաքանչյուրին՝ անկախ տարիքից, պետական բյուջեից կհատկացվի միանվագ 100 հազարական դրամ
ԿԸՀ-ն հաստատել է նորընտիր ավագանու կազմը
1 մլրդ դրամ է հատկացվել միջպետական, հանրապետական նշանակության ավտոճանապարհների նորոգման համար
Wildberries-ն էլեկտրական գործիքներ է վաճառում՝ սեփական ապրանքանիշով
Աշխարհահռչակ Anonymous հաքերային խումբը կոտրել է Ադրբեջանի պետական կայքերը
Ադրբեջանը սկսել է գրանցել Լեռնային Ղարաբաղի բնակիչներին՝ նրանց իրավական կարգավիճակը սահմանելու համար
SWIFT-ը միջազգային վճարումներում դոլարի մասնաբաժնի ռեկորդային աճ է արձանագրել
Կառավարությունը 360 միլիոն դրամ կհատկացնի ԼՂ-ից բռնի տեղահանվածների
ՀՀ առողջապահության նախարարությունը կոչ է անում դառնալ արյան դոնոր
2024-ին ՊՆ-ի բյուջեն կաճի 7,3 տոկոսով եւ կկազմի 555 մլրդ դրամ
Առցանց անմաքս առևտրի շեմը կգործի մինչև 2024 թվականի ապրիլի 1-ը. ՊԵԿ
2024-ին պետական պարտքը կկազմի ՀՆԱ-ի 48,4 տոկոսը, դեֆիցիտը՝ ՀՆԱ-ի 3,2 տոկոսը
2024-ի բյուջեում հարկային եկամուտները կաճեն 15,4 տոկոսով, կապիտալ ծախսերը՝ 22 տոկոսով. նախարար
Հունվարի 1-ից Արցախի Հանրապետությունը դադարում է գոյություն ունենալ. Արցախի նախագահի հրամանագիրը
Համակարգչային խաբեությամբ հափշտակել են 19 մլն դրամ. դատախազը հանրային քրեական հետապնդում է հարուցել
Մեկ օրում բացահայտվել է 43 հանցագործության դեպք. Գրանցվել է 17 ավտովթար. զոհվել է 1, վիրավորվել 27 մարդ
Նորքի այգիներում անշարժ գույքը կօտարվի մոտ 88 մլն դրամով. այնտեղ կկառուցվի ժամանցի եւ հանգստի գոտի
Բաքուն Ռուբեն Վարդանյանին մեղադրում է «ահաբեկչության ֆինանսավորման», «զինված կազմավորումներ» ստեղծելու մեջ
Ամերիկացի 96 օրենսդիրներ Բայդենի վարչակազմին կոչ են արել պատժամիջոցներ կիրառել Բաքվի դեմ
«Գազպրոմ Արմենիան» պատրաստ է փոխհատուցել Արցախից տեղահանված 300 ընտանիքի կեցավայրի վարձի և կոմունալ ծախսերը

Հայաստանում գարեջրի և մի շարք խմիչքների արտադրությունը կազատվի ծանուցման պահանջից

Ապր 26, 2023 14:58
13
ADS

Գործունեության որոշ տեսակներ Հայաստանում կազատվեն ծանուցման պահանջից:

«Արմենպրես»-ի հաղորդմամբ՝ «Գործունեության իրականացման ծանուցման մասին» Հայաստանի Հանրապետության օրենքում փոփոխություններ և լրացում կատարելու մասին և «Պետական տուրքի մասին» Հայաստանի Հանրապետության օրենքում փոփոխություններ և լրացումներ կատարելու մասին օրենքների նախագծերի փաթեթը երկրորդ ընթերցմամբ քննարկման համար հավանություն ստացավ ԱԺ տնտեսական հարցերի մշտական հանձնաժողովի նիստում:

«Փաթեթի ընդունումը պայմանավորված է վարչարարության կրճատման, պարզեցման, ծանուցման ենթակա մի շարք ոլորտներին աջակցելու, իրենց զարգացմանը նպաստելու, գործարար և ներդրումային միջավայրի տեսանկյունից տվյալ ոլորտներն ավելի գրավիչ դարձնելու հանգամանքով: Բացի այդ՝ ծանուցման ենթակա թորած ալկոհոլային խմիչքների արտադրության գործունեության տեսակները տարանջատելու, հստակեցնելու և ալկոհոլային խմիչքների առանձին տեսակների արտադրությունը խթանելու նպատակով դրանց արտադրության գործունեությամբ զբաղվելու իրավունք ձեռք բերելու համար սահմանվել են նաև տարեկան տուրքերի առավել մատչելի դրույքաչափեր»,-ասաց ՀՀ էկոնոմիկայի փոխնախարար Անի Իսպիրյանը:

Ներկայումս նախարարությունը 19 գործունեության տեսակի համար ծանուցման գործընթաց է անցկացնում: Նախագծով առաջարկվում է 6 տեսակից հրաժարվել, ևս 6-ը փոփոխել և ավելացնել 1 տեսակ: 6 տեսակները, որոնցից առաջարկվում է հրաժարվել, հետևյալն են՝ անասնաբուժության բնագավառում օգտագործվող կենսապատրաստուկների արտադրությունը, անասնաբուժասանիտարական փորձաքննությունը, բույսերի պաշտպանության քիմիական և կենսաբանական միջոցների արտադրությունը, վաճառքը, լիկյորների և մինչև 9 տոկոս սպիրտ պարունակող այլ սպիրտային խմիչքների արտադրությունը, գինու, խնձորի և պտղահատապտղային այլ գինիների, մեղրից ստացված այլ ալկոհոլային խմիչքների արտադրությունը և գարեջրի արտադրությունը:

Իսպիրյանը նշեց՝ ծանուցումը չի բերում որակի բարձրացմանը: Նախկինում եղել է «Լիցենզավորման մասին» օրենք, որը ենթադրել է պարզ ու բարդ լիցենզիաներ, փոփոխությունների արդյունքում ներկայում բարդ լիցենզիաները կոչվում են պարզապես լիցենզիաներ, իսկ պարզ լիցենզիաները՝ ծանուցումներ: Ծանուցման գործընթացի մեջ վերահսկողական գործընթացը բացակայում է:

«Որակի վերահսկողությունն  այսպես թե այնպես, իրականացվում է այլ մեխանիզմների շնորհիվ: Այսինքն՝ ծանուցումը պարզապես լրացուցիչ բեռ ու բյուրոկրատական քաշքշուկ  է տնտեսվարողների համար»,-ասաց փոխնախարարը:

Ավելացվող տեսակը՝ վիսկի, ռոմ, ջին տեսակի թունդ ալկոհոլային խմիչքների արտադրությունն է:

«Այսպիսով մենք խթանում ենք: Այսինքն՝ սահմանում ենք մեկ միասնական տուրք, այսինքն՝ բոլոր նշված թունդ ալկոհոլային խմիչքներն արտադրելու համար տնտեսվարողը վճարում է մեկ անգամ տուրք և կարող է զբաղվել արտադրությամբ»,-ասաց Իսպիրյանը:

Մեկնաբանություն