Ապրիլի 25-ից Microsoft-ի սոցիալական մեդիայի կառավարման գործիքն օգտագործող գովազդատուներն այլևս չեն կարողանա մուտք գործել Twitter իրենց գաջեթից,- գրում է fintech.am-ը։
Ընկերության հայտարարության մեջ ասվում է, որ Smart Campaigns-ն իր բազմապլատֆորմային թվային մարքեթինգի կենտրոնի գործիքով այլևս չի աջակցի հանրաճանաչ սոցիալական ցանցին:
Հայտարարությունն արվել է գրեթե մեկ ամիս անց այն բանից հետո, երբ Twitter-ը հայտնել է, թե որքան պետք է վճարեն օգտվողները իր API մուտք գործելու համար: Ամենաէժան փաթեթը կարժենա ամսական $42,000։ Microsoft-ի հայտարարությունից հետո Իլոն Մասկը թվիթ է հրապարակել, որում սպառնացել է դատի տալ ընկերությանը։
«Նրանք ապօրինաբար օգտագործել են Twitter-ի տվյալները։ Ժամանակն է դատական վարույթների»,- գրել է սոցցանցի սեփականատերը։
Նա չի մանրամասնել, թե կոնկրետ ինչի համար է Microsoft-ն օգտագործել Twitter-ի տվյալները, սակայն հարկ է նշել, որ տեխնոլոգիական հսկան ChatGPT-ի ծրագրավորող OpenAI-ի հիմնական գործընկերն է: ԶԼՄ-ները գրում են, որ Microsoft-ի որոշումը կայացվել է Twitter-ի համար շատ անհաջող ժամանակահատվածում ։
Մեկնաբանություն