Չինական XPeng ստարտափը մտադիր է մինչև 2025 թվականն իր AeroHT էլեկտրական թռչող մեքենան թողարկել զանգվածային արտադրության: Այս մասին հայտնում է Bloomberg-ը։ Արտադրողը ապագայի փոխադրամիջոցը գնահատել է $140,000:
AeroHT-ն ի վիճակի է օդ բարձրանալ տասնյակ մետրով ութ պտուտակների և չորս էլեկտրական շարժիչների օգնությամբ։ Ակնկալվում է, որ ժամանակի մեծ մասը էլեկտրական մեքենան կշարժվի գետնին, և երկինք կբարձրանա միայն ճանապարհի խոչընդոտները կամ խցանումները հաղթահարելու համար։ Ստարտափի հիմնադիր Ժաո Դելին կարծում է, որ իր ընկերության ճանապարհին ամենամեծ խնդիրը ոչ թե տեխնոլոգիական մարտահրավերներն են, այլ կարգավորող սահմանափակումները, քանի որ նման մեքենայի սեփականատիրոջը կարող է անհրաժեշտ լինել ոչ միայն վարորդական իրավունք, այլև օդաչուի լիցենզիա։
Հայտնի է, որ AeroHT-ն աշխատում է նաև օդային տաքսիի ստեղծման վրա։ Այս տարվա հոկտեմբերին Դուբայում տեղի են ունեցել ապարատի ցուցադրական թռիչքներ։
Մեկնաբանություն