Սաուդյան Արաբիայի Հանրային ներդրումների հիմնադրամը 78 միլիոն ֆունտ ստեռլինգով ձեռք է բերել բրիտանական սպորտային մեքենաներ արտադրող Aston Martin ընկերության բաժնետոմսերի 16,7%-ը: Բացի այդ, PIF-ը կմասնակցի Aston Martin-ի 575 մլն ֆունտ ստերլինգ կապիտալի ավելացմանը ՝ այլ բաժնետերերի հետ միասին, ինչպիսիք են Lawrence Stroll-ի Yew Tree-ն և Mercedes-ը:
Aston Martin-ի մամուլի հաղորդագրության մեջ ասվում է, որ նոր բաժնետիրոջ ավելացումը կնվազեցնի Yew Tree-ի մասնաբաժինը 22,0%-ից մինչև 18,3%, իսկ Mercedes-Benz AG-ն 11,7%-ից մինչև 9,7%:
Հավաքագրված ներդրումների մեծ մասն ուղղվելու է Aston Martin-ի պարտքերի վճարմանը,- գրում է Financial Times-ը։
Սթրոլն ասել է, որ ընկերությունը բիզնես պլանը շարունակելու խնդիր չունի, սակայն գումարն անհրաժեշտ է «այդ անիծյալ պարտքից ազատվելու համար»:
Aston Martin-ն այլընտրանքային առաջարկ ուներ ՝ հավաքել 1,3 միլիարդ ֆունտ ստերլինգ չինական Geely-ի և իտալական Investindustrial ներդրումային խմբից (այն 2012-2020 թվականներին եղել է Aston Martin-ի բաժնետեր):
Ընկերությունն առաջարկը ներկայացրել է որպես «Atlas [Geely և Investindustrial] կոնսորցիումի կողմից վերահսկիչ և ապագայում բաժնետոմսերի մեծամասնություն ձեռք բերելու փորձ ՝ առանց որևէ հավելավճարի ներկայիս բաժնետերերի համար»: Այդ իսկ պատճառով էլ նրան մերժել են։
PIF գործարքի մասին հայտարարությունից հետո Aston Martin-ի բաժնետոմսերը Լոնդոնի ֆոնդային բորսայում թանկացել են ավելի քան 20%-ով:
