Ավստրիան, Հունգարիան և Սլովակիան հրաժարվել են ռուսական նավթի վրա ԵՄ էմբարգոյի նկատմամբ իրենց վետոյի իրավունքից։ Այս մասին հայտնում է ZDF հեռուստաալիքը ՝ հղում անելով ԵՄ բարձրաստիճան դիվանագետին։ Ըստ աղբյուրի՝ կարևոր գործոն է եղել Գերմանիայի կառավարության դիրքորոշումը, որը որոշել է աջակցել էմբարգոյին։
Միևնույն ժամանակ, անցումային շրջանի վերաբերյալ հարցերը դեռ բաց են մնում։
Նախօրեին հայտնի դարձավ, որ Գերմանիայի կաբինետն աջակցել է Ռուսաստանից նավթի ներկրման վրա էմբարգո սահմանելու Եվրամիության ծրագրերին։ Սրա պատճառով էմբարգո կիրառելու Եվրամիության որոշումը շատ ավելի հավանական է դարձել։ Գերմանիայի դիրքորոշման կտրուկ փոփոխության պատճառը հավանաբար նավթի այլընտրանքային մատակարարներ գտնելու վերջին հաջողություններն են։
Գերմանիայի կանցլերի տնտեսական հարցերով օգնական Յորգ Կուկիսը հայտարարել է, որ ռուսական նավթի մատակարարումների դադարեցմանը նախապատրաստվելու համար կպահանջվի մի քանի ամիս։
Մեկնաբանություն