ԵԱԶԲ–ի՝ դոլարով եռամյա պարտատոմսերի դեբյուտային թողարկումը ցուցակում է անցել և հոկտեմբերի 26-ից ընդգրկվել է Հայաստանի ֆոնդային բորսայի (AMX) Abond պարտատոմսերի հիմնական ցուցակում, հայտնում է Եվրասիական զարգացման բանկի մամուլի ծառայությունը,- գրում է arka.am-ը:
Մինչ այս բորսայի ենթակառուցվածքը արդիականացվել է Եվրասիական զարգացման բանկի (ԵԶԲ) Տեխնիկական աջակցության հիմնադրամի դրամաշնորհի հաշվին, ինչը հնարավորություն է տվել ավելի քան 2 անգամ ավելացնել արժեթղթերի ցուցակման ընդհանուր արժեքը։ Այս մասին հայտարարել է ԵԱԶԲ–ի վարչության նախագահ Նիկոլայ Պոդգուզովը Հայաստան կատարած այցի ընթացքում։
2021–2022 թվականներին ԵԱԶԲ Տեխնիկական աջակցության հիմնադրամի միջոցով դրամաշնորհ է հատկացվել Հայաստանի ֆոնդային բորսային՝ նոր առևտրային համակարգի ծրագրային ապահովման արդիականացման և ներդրման համար։ Կատարված աշխատանքից հետո, բացի երկրորդային շուկայում առևտուր ապահովելուց, համակարգը, միջազգային չափանիշներին համապատասխան, թույլ է տալիս ներդրողներին բորսայի բրոքերների միջոցով ստանալ ուղղակի հասանելիություն բորսայի առևտրային հարթակներին, ինչպես նաև առևտուր անել առցանց ռեժիմում՝ վեբ և բջջային հավելվածների միջոցով:
Այսպես, ԵԱԶԲ-ի կողմից ֆինանսավորվող արդիականացման շնորհիվ առևտրային համակարգը հասանելի է դարձել վերջնական ներդրողների համար, պարզեցվել է մասնակցությունը բորսայական առուվաճառքում և հնարավորություններ են ստեղծվել ավելացնելու շուկայի ուղղակի մասնակիցների և հայկական ընկերությունների IPO-ների թիվը: Նոր ծրագրային ապահովման ներդրումից հետո AMX Exchange–ի մասնակիցները հնարավորություն են ստացել միանալ ԵԱՏՄ անդամ երկրների բորսայական հարթակներին և այնտեղ իրականացնել գործարքներ։
Արդյունքում պետական արժեթղթերի տեղաբաշխման և հետգնման աճուրդների տարեկան ծավալն աճել է 138%-ով՝ 2019 թվականի 254 մլրդ դրամից 2023 թվականին հասնելով գրեթե 605 մլրդ դրամի։ Պետական արժեթղթերի տեղաբաշխման և հետգնման աճուրդներում կատարված գործարքների տարեկան թիվт աճել է 42%-ով՝ 2019թ․–ի 968-ից 2023թ․-ին հասնելով 1370-ի։ Արժեթղթերի ցուցակման ընդհանուր արժեքն աճել է ավելի քան երկու անգամ՝ 2019 թվականի 1,0 տրլն դրամից 2023 թվականին հասնելով 3,5 տրլն դրամի
Մեկնաբանություն