Apple-ի գործադիր տնօրեն Թիմ Քուկը նախազգուշացրել է, որ առաջարկվող հակամենաշնորհային պահանջը iPhone-ում երրորդ կողմի հավելվածներ տեղադրելու համար ՝ շրջանցելով App Store-ը, օգտատերերին վտանգի տակ կդնի: Քուկը Վաշինգտոնում ՝ գաղտնիության մասնագետների միջազգային ասոցիացիայի գագաթնաժողովում, ասել է, որ հավելվածների այլընտրանքային խանութները չեն կարողանա պաշտպանել իրենց տվյալները,- գրում է The Wall Street Journal-ը։
ԱՄՆ Կոնգրեսի և Եվրամիության օրենսդիրները մտադիր են մեղմացնել App Store-ի վերահսկողությունը հավելվածների համար և iPhone-ն ավելի հասանելի դարձնել երրորդ կողմի մշակողների համար: ԱՄՆ-ում և ԵՄ-ում քննարկվող օրենսդրությունը կստիպի Apple-ին թույլ տալ երրորդ կողմի հավելվածները ներբեռնել iPhone-ում App Store-ից դուրս: Ընկերությունը կարգավորում է իր հավելվածների խանութի բոլոր առաջարկները և այնտեղից գնումների համար գանձում է մինչև 30% միջնորդավճար:
«Ավելի ապահով տարբերակի հեռացումը օգտատերերին կթողնի ավելի քիչ ընտրություն, ոչ ավելին», – ասել է Քուկը գաղտնիության պաշտպանների գագաթնաժողովում: Ըստ նրա ՝ նման փոփոխությունը կստիպի մարդկանց շփվել այլընտրանքային հավելվածների խանութների հետ, որտեղ նրանց «գաղտնիությունն ու անվտանգությունը հնարավոր չէ պաշտպանել»։ Եվրոպայում թվային շուկաների մասին օրենքը կարող է վերջնական ձևով հաստատվել մոտ ապագայում, Կոնգրեսում քննարկվող օրինագծերը դեռ հեռու է օրենքի վերածվելուց։ «Apple-ը հավատում է մրցակցությանը: Բայց եթե մենք ստիպված լինենք թույլ տալ «անթափանց» հավելվածներ iPhone-ում, ապա անցանկալի հետևանքները հեռուն գնացող կլինեն»,- իր ելույթում ասել է Քուկը։ Նա կոչ է արել քաղաքական գործիչներին հասնել իրենց նպատակներին «առանց խախտելու գաղտնիությունը»:
Մանրամասները` տեսանյութում
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն