Հայկական շոու բիզնեսում տարածված տենդենց կա, որ դերասանական գործունեությամբ կամ երգարվեստով զբաղվելուց զատ, արտիստը ստեղծում է իր սեփական բիզնեսը, քանի որ այն իր հերթին ապահովում է կայուն ֆինանսական վիճակ:
ABNews.am-ը առաջիկայում Ձեզ է ներկայացնելու հայ հայտնիների հայտնի ու անհայտ բիզնեսները:
Նրանցից առաջինն ԱՄՆ–ում տարիներ առաջ բնակություն հաստատած Անի Երանյանն է, ով ակտիվ է իր սոցիալական հարթակներում, որտեղից էլ պարզ է դառնում, որ նա նորություն ունի:
Սերիալային դերասանուհին դեռ տարիներ առաջ էր ընտրել բիզնես լեդիի աշխատանքը: Այս պահին դերասանուհին ԱՄՆ-ում հանձն է առել միջոցառումների կազմակերպման բիզնեսը ու փորձում է լայն տարածում ձեռք բերել այդ շուկայում. Ըստ ABNews-ի ունեցած տեղեկությունների ”Lemon and love” միջոցառումների կազմակերպման ընկերությունը պատկանում է Անի Երանյանին: Նկատելի է, որ Լոս Անջելոսում, որտեղ կան հազարավոր հայեր, սա իր հերթին գայթակղիչ առաջարկ է, միևնույն ժամանակ առաջացնում է մփծ վստահություն հիմնադրի ճանաչված լինելու գործոնով պայմանավորված: Բայց թե ինչպիսին կլինի այս կազմակերպության ճակատագիրը, պարզ կլինի որոշ ժամանակ անց:
Նկատելի է, որ Անիի ընկերները իրենք իրենց հերթին գովազդում են վերջինիս նոր բիզնեսը, հաջողություններ ու բարձունքներ մաղթելով:
Հիշեցնենք, որ տարիներ առաջ Անի Երանյանը Հայաստանում ևս բիզնես էր հիմնել`«Երեմյան հոլդինգ»–ը, որը զբաղվում էր PR ակցիաների, համերգների, միջոցառումների, շնորհանդեսների, սեմինարների կազմակերպամբ, տեսահոլովակների և գովազդային հոլովակների նկարահանմամբ, մոնտաժով և այլ աշխատանքներով: Սակայն, կարծես թե այս բիզնեսը, երկար կյանք չունեցավ:
Խոսելով նրա աշխատանքային նոր ճյուղի մասին, չենք կարող չանդրադառնալ նաև դերասանաուհու տարբերվող կերպարի մասին` Անի Երանյանն արտաքնապես կտրուկ փոխվել է:
Նա փոխել է իր սանրվածքը, ինչպես նաև հագուստների ընտրության հարցում ևս ընտրությունն այլ է:
ABNews-ը մեծ հաջողություններ ու հազարավոր միջոցառումներ է մաղթում դերասանուհուն:
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն