Հարավային Կորեան պատրաստ է միանալ ռուսական նավթի արժեքի սահմանափակման միջոցառումներին։ Այս մասին հայտարարել է Հարավային Կորեայի էկոնոմիկայի փոխվարչապետ, ռազմավարության և ֆինանսների նախարար Չհու Կյուն Հոն երկուշաբթի օրը ԱՄՆ ֆինանսների նախարար Ջանեթ Յելենի հետ հանդիպման ժամանակ,- հայտնում է Yonhap գործակալությունը։ «Մենք կողմ ենք այդ նպատակին և պատրաստ ենք միանալ դրան։ Նավթի գնի սահմանաչափը պետք է արդյունավետորեն մշակվի նավթի միջազգային գների և սպառողական գների կայունությունը խթանելու համար»,- ընդգծել է Չհու Կյուն Հոն։ ԱՄՆ գանձապետարանի ղեկավարն իր հերթին շնորհակալություն է հայտնել Հարավային Կորեայի դիրքորոշման համար։ Կողմերը նաև ընդգծել են դժվարին պայմաններում Հարավային Կորեայի և ԱՄՆ-ի միջև ռազմավարական տնտեսական համագործակցության կարևորությունը։ Խոսքը, մասնավորապես, մատակարարման շղթաների ձախողման, ուկրաինական ճգնաժամի պատճառով գնաճի և ապրանքների գների կտրուկ աճի, ինչպես նաև ֆինանսական շուկայում անկայունության մասին է։
Երկրի ներկայացուցիչները քննարկել են նաև համագործակցությունը մաքուր էներգիայի, կլիմայի փոփոխության և առողջապահության ոլորտում։
The Wall Street Journal-ն ավելի վաղ հայտնել էր, որ ԵՄ-ի հետաձգված էմբարգոյին ընդառաջ շուկան նկատել է Եվրոպայում նավթի տանկերների սեփականատերերի կողմից ռուսական նավթի առաքումների աճ:
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն