Փոխնախարարի խոսքով՝ նախատեսվում է սահմանել տուգանքներ խախտումների համար, որոնք կկազմեն նվազագույն աշխատավարձի հնգապատիկը։
«Օրինակ՝ եթե միջոցը օգտագործվում է առանց սաղավարտի կամ սաղավարտը կոճկված չէ, տուգանքը կլինի նվազագույն աշխատավարձի յոթնապատիկի չափով: Սաղավարտը պարտադիր է միայն 18 տարեկանից բարձր անձանց համար, որոնք այն օգտագործում են հանրային տարածքներում»,-նշեց նա:
Փոխնախարարը հավելեց, որ կազմակերպությունների համար, որոնք վարձակալությամբ տրամադրում են նման սարքավորումներ, նախատեսված է նվազագույն աշխատավարձի 29-ապատիկի չափով տուգանք, եթե սարքավորումը ճիշտ չի կահավորվել:
Նա նաև ընդգծեց, որ այդ սարքերով բեռ կամ անձանց տեղափոխելն արգելված է, ինչպես նաև արգելված է դրանց օգտագործումը մայրուղիներում, թունելներում և ճանապարհներին։ Այդ խախտումների համար նույնպես նախատեսված են համապատասխան տուգանքներ:
«Կայանման հարցերը չեն կարգավորվի այս նախագծով, դրանք կվերահսկվեն քաղաքապետարանի կողմից, և հատուկ հաստատված վայրերում կկայանվեն»,-ասաց փոխնախարարը:
Հանձնաժողովի նախագահ Անդրանիկ Քոչարյանը հետաքրքրվեց՝ արդյոք քաղաքապետարանի կողմից հաստատված կայանման վայրերի ցանկ կա՞։
«Այդ ցանկը մենք չունենք, պետք է քաղաքապետարանը մշակի այն»,-պատասխանեց փոխնախարարը:
Մեկնաբանություն