Հայաստանի շինարարության ոլորտում կառուցապատման նորարար ու ինքնատիպ լուծումներով մեծ համբավ ձեռքբերած «Մետրում ինվեստ» ընկերության գործադիր տնօրեն Արման Մելքոնյանը և ալյումինե դռների և պատուհանների հայկական առաջատար արտադրող PROFAL ընկերության գլխավոր տնօրեն Էդգար Ավետիսյանը փոխըմբռնման հուշագիր են ստորագրել Ծաղկաձորի կենտրոնում, 360 աստիճան հրաշալի տեսարաններով ապարտ-հոթելային համալիրի շինհրապարակում:
Հուշագրով պայմանավորվածություն է ձեռքբերվել Ծաղկաձորում կառուցվող պրեմիում դասի բնակելի և հյուրանոցային համալիրում կիրառել PROFAL-ի՝ տարիների ընթացքում ձեռքբերված փորձն ու գիտելիքները, որպեսզի «Ծաղկաձոր պարկ»-ը ունենա ավելի ներկայանալի տեսք և ապահովի հարմարվետ հանգիստ մեր բնակիչների ու հյուրերի համար:
Հատկապես կարևոր են վիտրաժային պատուհանների ձայնամեկուսացման և ջերմամեկուսացման բարձր որակական առանձնահատկությունները: Տեղադրվելու է էներգախնայող ու թրծված ապակեփաթեթ, որի մեջ լցված է արգոն գազ: Այն ավելի էներգախնայող, արևապաշտպան և ցրտադիմացկուն է դարձնում կառույցը: Համալիրի շենքերի ճակատների երեսպատման նորարարական մոտեցման արդյունքում տեղադրվելու է ալյումինե ուղղանկյուն հատվածի 200*300 մմ խողովակներով ցանց, որը հարստացնելու է շենքի ճարտարապետական տեսքը։
Հաջորդ կարևորագույն առավելությունը շինարարական գործընթացում ժամկետների հստակ պահպանումն է: Մեծ ջանք ու եռանդ է ներդրվում, որպեսզի հնարավոր լինի պահպանել գնորդների հետ պայմանագրային պարտավորությունները: «Մետրում ինվեստ»-ի տեսլականի այս մասը դառնում է իրականություն՝ ի շահ գեղեցիկ ու շքեղ ապարտ- հոթելներ նախընտրողների համար:
Միջոցառման մասնակիցները երկու ընկերությունների ղեկավարների հետ շրջել են 11, 9, 7 և 5 հարկանի մասնաշենքերում և ծանոթացել «Ծաղկաձոր պարկ»-ի հնարավորություններին::
«Ծաղկաձոր պարկը» 10,000 քմ կառուցված շինարարական համալիր է, որի 7,000 քմ-ն միայն կանաչապատ տարածք է: Շինարարությունը արդեն հասել է 40%-ի և իրականացվել է բնակարանների ու կոմերցիոն տարածքների 35%-ի վաճառքը: Շինարարության ավարտը նախատեսված է 2025 թվականի ամռանը:
Համալիրը ընդգրկում է պրեմիում դասի ապարտ-հոթելների համար նախատեսված բոլոր հարմարությունները՝ մասնավորապես դահուկների պահպանման համար առանձնացված տարածքներ, էլեկտրամոբիլների լիցքավորման կայան, cоworking տարածք, կոնֆերանս դահլիճներ, սրճարաններ (այդ թվում, սրճարան՝ տանիքում), ռեստորաններ, սպա կենտրոն, լողավազան, ընդարձակ մարզասրահ, մանկական սենյակներ, սենյակների մաքրման մասնագիտացված ծառայություն, լվացքատուն, ջերմամեկուսացում, ձայնամեկուսացում, եվրոպական արտադրության վերելակներ, բարձր դասի կահույք և տեխնիկա, անվտանգության կետ։
Մեկնաբանություն