Բրիտանական Anglo-Asian Mining-ը բանակցում է Ադրբեջանի հետ՝ օկուպացված Արցախում Դրմբոնի և Կաշենի հանքավայրերը շահագործելու համար
CME Group-ը՝ աշխարհի խոշորագույն ֆյուչերսային բորսան, նախատեսում է բիթքոյնով ուղղակի առևտուր սկսել
Ոսկու գինը բարձրանում է, մեկ ունիցայի դիմաց վաճառվելով $2383-ից բարձր
Ճապոնական Nikkei 225-ը աճում է 0,54%-ով հասնելով 38730 կետի
Rocket Line թվային ապառիկը՝ արդեն 60 ամսով․ Idram և IDBank
ՀԳՀՄ 3-րդ արտահերթ համագումար. ընտրվեցին կառույցի նոր նախագահն ու խորհրդի անդամները
Մինաս Ավետիսյանի անվան զբոսայգու հարակից տարածքում շների համար նոր զբոսայգի է կառուցվում
Dell կորպորացիան նախատեսում է թողարկել աննախադեպ ինքնավարությամբ նոութբուքեր
MIT-ի ուսանողները, օգտվելով ETH բլոկչեյնի խոցելիությունից, 12 վայրկյանում $25 մլն են գողացել
Դոլարը և ռուբլին նվազել են, ոսկու գինը՝ աճել. ՀՀ ԿԲ, 17.05.24
Օդի ջերմաստիճանը մայիսի 18-ի գիշերը կնվազի ևս 2-3 աստիճանով
Սևանա լճի մակարդակը նախորդ տարվա մայիսի 17-ի համեմատ բարձրացել է 3 սանտիմետրով
ՊԵԿ-ն «Էվրիկա»-ին տուգանել է 10 մլն դրամով
Ակբա բանկը €50 միլիոն կուղղի Հայաստանում ՓՄՁ-ների զարգացմանը
Առևտրային բանկերը 2024թ.-ի մարտի դրությամբ 5,099 մլրդ-ի վարկեր է տրամադրել
Ներդրումային eqwefy ընկերությունը լիցենզիա է ստացել ՀՀ Կենտրոնական բանկի կողմից
Չինաստանում զարգանում է մահացած մարդկանց «AI կլոնների» ստեղծման մշակույթը
Neuralink-ը թաքցրել է ուղեղի իմպլանտների կոնտակտների հետ կապված խնդիրները
4,5 ամսում Հայաստանում թունավորման ավելի քան 1000 դեպք է եղել
TikTok-ը փորձարկում է 60 րոպե տևողությամբ տեսանյութեր, բայց դեռ ոչ բոլորը կարող են վերբեռնել դրանք

ՎԶԵԲ-ը և «Ամունդի-ԱԿԲԱ ասեթ մենեջմենթը» համագործակցում են միջարժութային ռեպո գործարքների հարցերով

Հնվ 16, 2024 15:54
34
ADS

Վերակառուցման և Զարգացման Եվրոպական Բանկը (ՎԶԵԲ) և «Ամունդի-ԱԿԲԱ ասեթ մենեջմենթը» միավորում են իրենց ջանքերը՝ տեղական արժույթով ֆինանսավորման հասանելիությունը բարելավելու և Հայաստանում կապիտալի տեղական շուկան ուժեղացնելու նպատակով։ Այս մասին ejc.am-ին տեղեկացնում են  ՎԶԵԲ-ի լրատվական ծառայությունից։

ՎԶԵԲ-ը և «Ամունդի-ԱԿԲԱ»-ն բեկումնային քայլ են կատարել՝ միջարժութային առաջին ռեպո գործարքն իրականացնելով՝ Հայաստանում անվտանգ և ռազմավարական ֆինանսական գործարքների համար նոր սահման ձևավորելով։ Գործարքն իրականացվել է Գլոբալ գլխավոր ռեպո համաձայնագրի (GMRA) համաձայն, որը երկու կազմակերպությունների միջև ստորագրվել է 2023 թվականի հունիսի 21-ին։

Այս նշանակալի գործարքը ՎԶԵԲ-ին թույլ տվեց գրավադրել բարձրորակ, ազատ իրացվելի արժույթով ակտիվներ և փոխարենը ստանալ տեղական արժույթով միջոցներ: Այս միջարժութային ռեպո համաձայնագիրը «Ամունդի-ԱԿԲԱ»-ի համար ծառայում է որպես կենսաթոշակային ֆոնդի ակտիվների տնօրինման ապահով եղանակ՝ միևնույն ժամանակ լիովին հարազատ մնալով ռացիոնալ ֆինանսական կառավարման իր հանձնառությանը։

ՎԶԵԲ-ի համար գործարքը հայկական դրամով (դրամ) արտահայտված, ներքին շուկայական դրույքաչափերով երկարաժամկետ միջոցներ է ապահովում՝ օգնելով ամրապնդել և դիվերսիֆիկացնել իր ֆինանսավորման աղբյուրները:

Տնտեսական ազդեցությունն էական է, քանի որ ՎԶԵԲ-ը նպատակ ունի առավելագույնի հասցնել գործառնության ազդեցությունը։ Միջոցները ռազմավարական կերպով նորից կներդրվեն իրական տնտեսությունում՝ անցման գործընթացի վրա դրական ազդեցություն ապահովելով և նպաստելով կայուն զարգացման նպատակներին։

«ՎԶԵԲ-ը շարունակում է ներդրումներ կատարել տեղական շուկայի ֆինանսական կարողությունների և «know-how»-ի համար՝ իր պորտֆեյլի կառավարման մեջ ներառելով պարզ, սակայն նորարարական պորդուկներ։ Միջարժութային ռեպոն հավելյալ գործիք կհանդիսանա ՀՀ դրամով մեր ֆինանսավորման բազայի ընդլայնման և ամրապնդման համար»,- ասաց ՎԶԵԲ-ի տնօրենի տեղակալ, ավագ թրեյդեր Գուրսու Կելեսը։

«Սա մեկ այլ նորամուծություն է, որը ՎԶԵԲ-ի հետ միասին ուրախ ենք ներկայացնել շուկային։ Այս շրջանակը մեզ հնարավորություն կընձեռի ավելի արդյունավետ կերպով ներդնել կենսաթոշակային ֆոնդի միջոցները, նպաստել տեղական կապիտալի շուկայի զարգացմանը և ի վերջո այն կօգնի ֆինանսավորել տեղական տնտեսությունը»,- ասաց «Ամունդի-ԱԿԲԱ»-ի գործադիր տնօրենի  տեղակալ, ֆոնդերի կառավարիչ Հրայր Ասլանյանը։

«Ամունդի-ԱԿԲԱ-ի ասեթ մենեջմենթը» կառավարում է երեք պարտադիր կուտակային կենսաթոշակային ֆոնդ Հայաստանում, որի կառավարման տակ գտնվող միջոցները գերազանցում են 400 մլրդ ՀՀ դրամը (900 մլն Եվրո)։ Եվրոպական առաջատար ակտիվների կառավարիչ «Ամունդիին» և Հայաստանի առաջատար բանկերից մեկին՝ ԱԿԲԱ բանկին, պատկանող ընկերությունը ֆոնդերի կառավարման մեծ փորձ ունի:

ՎԶԵԲ-ը Հայաստանում արդեն երկրորդ անգամ է համագործակցում «Ամունդի-ԱԿԲԱ ասեթ մենեջմենթի» հետ: Համաձայնագիրը տեղական արժույթով վարկեր ներգրավելու և Հայաստանում կապիտալի շուկաների հետագա զարգացմանն ուղղված ՎԶԵԲ-ի ջանքերի մի մասն է հանդիսանում: Այս նորարարական գործարքը տեղական արժույթով հուսալի իրացվելիություն է ապահովում՝ միաժամանակ արտարժութային ռիսկերը վերացնելով տեղական վարկառուների համար:

Մեկնաբանություն