Բալթյան երկրների ամենամեծ պարարտանյութ արտադրող «Achema» գործարանը դադարեցրել է արտադրությունը Լիտվայի Յոնավա քաղաքում։ Այս մասին հայտնում է ձեռնարկության մամուլի ծառայությունը։
Բացատրվում է, որ այս որոշումը կայացվել է բնական գազի գնի ռեկորդային թանկացման պատճառով, որը ազոտական պարարտանյութերի արտադրության հիմնական հումքն է։
«Մեր արտադրած պարարտանյութերը դառնում են անմրցունակ ՝ համեմատած ամերիկյան և ռուսական արտադրողների արտադրանքի հետ», – նշել են գործարանից։
Վերջին մի քանի օրվա ընթացքում այլ երկրների խոշորագույն ընկերությունները, այդ թվում ՝ Լեհաստանը և Գերմանիան, նույնպես հայտարարել են արտադրանքի նվազման կամ գործարանների փակման մասին։ Բացի այդ, Fertiglobe-ը ՝ Մերձավոր Արևելքում պարարտանյութերի խոշորագույն արտադրողը, զգուշացրել է համաշխարհային շուկայի համար շարունակվող սպառնալիքների մասին։ Այնտեղ կարծում են, որ գազի գնի թանկացման պատճառով իրավիճակը կշարունակի լարված մնալ։
Մեկնաբանություն