Եվրահանձնաժողովն առաջարկել է պատժամիջոցներ կիրառել չինական ընկերությունների դեմ, որոնք տեխնիկական սարքավորումներ են մատակարարում Ռուսաստանին,- գրում է b24.am-ը։
Պատժամիջոցների ցանկը կքննարկվի մայիսի կեսերին: Այս մասին հայտնում է Financial Times-ը՝ վկայակոչելով ներքին փաստաթուղթը։
Ցուցակում ընդգրկվել են 7 չինական ընկերություններ։ Դրանք են 3HC Semiconductors, King-Pai Technology, Sinno Electronics, Sigma Technology, Asia Pacific Links, Tordan Industry и Alpha Trading Investments ընկերությունները: Բոլորն աշխատում են կիսահաղորդիչների, միկրոչիպերի և էլեկտրոնիկայի մշակման ոլորտում։
«Հաշվի առնելով ռուսական ռազմարդյունաբերական համալիրի կողմից օգտագործվող էլեկտրոնային բաղադրիչների առանցքային դերը, նպատակահարմար է պատժամիջոցների ենթարկել նաև երրորդ երկրների որոշ ընկերությունների, որոնք ներգրավված են Ռուսաստանի ռազմարդյունաբերական համալիրի համար էլեկտրոնային բաղադրիչների մշակման, արտադրության և մատակարարման գործում»,- ասվում է Եվրահանձնաժողովի կողմից պատրաստված փաստաթղթի նախագծում։
Նշվում է, որ պատժամիջոցները տարածվելու են նաև Հայաստանում գործող մեկ ընկերության և ԱՄԷ-ի և Սիրիայի մի քանի ընկերությունների վրա։
Մեկնաբանություն