WhatsApp-ն այժմ թույլ է տալիս օգտագործել մեկ հաշիվ` մի քանի սարքերում,- գրում է fintech.am-ը։
WhatsApp մեսենջերի օգտատերերի համար հասանելի է դարձել նոր գործառույթ։ Այս մասին հաղորդվում է ծառայության պաշտոնական բլոգում։
Նշվում է, որ WhatsApp-ը մի քանի սարքերում մեկ հաշիվ օգտագործելու հնարավորություն ունի։ Այժմ մինչև չորս սարք կարելի է միացնել մեկ պրոֆիլին:
«Հեռախոսները որպես լրացուցիչ սարքեր կապելու շնորհիվ նամակագրությունն ավելի հարմար կդառնա։ Բացի այդ, դուք կկարողանաք անցնել հեռախոսների միջև՝ առանց հաշիվից դուրս գալու և անմիջապես շարունակել նամակագրությունը»,- գրել են ծառայության ներկայացուցիչները:
Նրանք ավելացրել են, որ յուրաքանչյուր սարք առանձին միանում է WhatsApp-ին, ուստի օգտատերերի անձնական հաղորդագրությունները, ֆայլերը և զանգերը պաշտպանված են ծայրից ծայր կոդավորման միջոցով:
Մեկնաբանություն