2018-23թթ. իրականացվել է 182.8 մլրդ դրամի 1302.4 կմ ճանապարհների հիմնանորոգում, վերակառուցում և կառուցում
Վեդիի 29․4 մլն խմ ջրամբարի կառուցման աշխատանքների 96 տոկոսը կատարված է
Կոնդի բնակիչների համար կապահովվի փոխհատուցում՝ շուկայական արժեք + 15% սկզբունքով. Հայկ Կոստանյան
Նիկոլ Փաշինյանն այցելել է ՏԿԵ նախարարություն
Կոնվերս Բանկը ներկայացրել է «Converse Markets» հարթակը
Էմանուել Մակրոն. Կատարը մինչև 2030-ը 10 միլիարդ եվրո կներդնի Ֆրանսիայում
2023 թվականին Կենտրոն և Նորք-Մարաշ վարչական շրջաններում արձանագրվել է ծանր հանցագործությունների 587 դեպք
Bitcoin-ի սրընթաց արժևորումը շարունակվում է. հատել է 59 հազար ԱՄՆ դոլարի շեմը
Մարտի 1-ից Իսաբեկյան-Դուրյան, Արտաշիսյան-Հովսեփյան, Դավիթ Բեկ-Գաջեգործներ խաչմերուկներում կտեղադրվեն լուսացույցներ
Բժշկական արտադրատեսակների արտադրության և սպասարկման լիցենզավորման պարտադիր պահանջը կհետաձգվի
Հայաստանի բանկերի երաշխիքները կընդունվեն ԵԱՏՄ երկրներում
ԱՄՆ-ը թուրքական բիզնեսին սպառնում է արգելել արտարժույթով գործառնությունները՝ ՌԴ-ի հետ առևտրի պատճառով
Կյանքից հեռացել է ՀՀ Ազգային հերոս Նիկոլայ Ռիժկովը
ԱԺ-ն ընդունեց կուտակային կենսաթոշակից վաղաժամ օգտվելու և երթևեկության մասով տուգանքը 20%-ով քիչ վճարելու նախագծերը
Apple-ը հրաժարվում է սեփական էլեկտրական մեքենա ստեղծելու գաղափարից
Կարմիր ծովում վնասվել են ստորջրյա մալուխները, որոնց բաժին է հասնում համաշխարհային ինտերնետ թրաֆիկի 17%-ը
Հայկական 14 ՏՏ ընկերություն մասնակցում է MWC 2024-ին
23 տոննա ավիաբենզինով բեռնված ավտոցիստեռնը շրջվել է ձորը․ վարորդը տեղափոխվել է ԲԿ
Ռուսական «Գեոպրոմայնինգը», որն ունի հայկական ակտիվներ, հայտնվել է պատժամիջոցների տակ
Բիթքոյնի արժեքը 2021թ․–ի դեկտեմբերի 2–ից առաջին անգամ գերազանցել է 56 հազար դոլարը

Մեկնարկել է Թումոյի նոր նախագիծը` Թումո ակադեմիան

Փտր 28, 2023 14:14
89
ADS

Փետրվարի 27-ին Թումո Երեւանում տրվել է Թումո ակադեմիա ծրագրի մեկնարկը,- այս մասին հայտնում է Itel.am

Վեցամսյա կրթական ծրագրի նպատակն է 21 տարեկանը լրացած անձանց տրամադրել Թումոյում նոր մասնագիտություն ձեռք բերելու եւ կարիերա կառուցելու հնարավորություն։ Ծրագիրը ներկայացրել են Թումոյի տնօրեն Մարի Լու Փափազյանը եւ Թումո ակադեմիա ծրագրի ղեկավար Նարինե Դավթյանը։
Թումո ակադեմիան կտրամադրի ուսուցում Թումոյի նորարարական ոլորտներում եւ ծրագիրը հաջողությամբ ավարտած ուսանողներին կապահովի աշխատանքով Թումոյի մարզային կենտրոններում։

Առանց նախնական մասնագիտական փորձի՝ մասնակիցները կապահովվեն կրթաթոշակով եւ կստանան ինտենսիվ կրթություն, իսկ բարեհաջող ավարտելով՝ կմիանան Թումոյի թիմին որպես դասընթացավարներ: Ծրագիրն իր առաջին փուլում կկենտրոնանա Կապան, Կողբ եւ Դիլիջան համայնքների Թումո կենտրոնների համար դասընթացավարներ պատրաստելու վրա, իսկ հետագայում` Թումոյի ընդլայնմանը զուգահեռ կգործարկվի բոլոր մարզերում:

«Հայտարարում ենք մի նախագիծ, որի արդյունքները տեսնելու ենք տասնամյակներով։ Ընդլայնելով մեր աշխարհագրությունը ՀՀ-ի մարզերում ու Արցախում՝ նպատակ ենք դնում բոլոր պատանիներին տալ հավասարապես որակյալ, առաջադեմ կրթություն։ Անկախ նրանից՝ պատանին Թումոյի քաղաքային կենտրոն է հաճախում, թե գյուղական համայնքի Թումո տուփ, նրա ստացած կրթության բովանդակությունն ու որակը պետք է նույնը լինի: Այդ նպատակին հասնելու համար մեզ հարկավոր է կառուցել հարյուրավոր մասնագետներից կազմված հզոր թիմ` մարզիչներ, դասընթացավարներ, կենտրոնների ղեկավարներ»,- նշել է Թումոյի գործադիր տնօրեն Մարի Լու Փափազյանը։

Թումո ակադեմիան գործարկման առաջին փուլում կտրամադրի ուսուցում 8 ոլորտում՝ երաժշտություն, անիմացիա, լուսանկարչություն, ֆիլմերի ստեղծում, խաղերի մշակում, եռաչափ մոդելավորում, նկարչություն եւ ստեղծագրություն։

Հետագա փուլերում նախատեսվում է պատրաստել դասընթացավարներ Թումոյի կրթական բոլոր 14 ոլորտում` այժմ աշխատող եւ մոտակա տարիներին գործարկվող մարզային կենտրոնների, ինչպես նաեւ Թումո Երեւանի համար։

«Ակադեմիայի ուսանողների հետ է աշխատելու մեր դասընթացավարների փորձառու թիմը: Թիմում են ոլորտի լավագույն մասնագետներ` թե՛ Թումոյում դասավանդման տարիների փորձ ունեցող մեր գործընկերները, թե՛ մեզ նոր միացած էքսպերտներ: Մշակելով ծրագրի բովանդակությունը` նրանք կփոխանցեն Թումոյի կրթական մեթոդաբանության յուրահատկությունները Ակադեմիայի ուսանողներին»,- ասել է ծրագրի ղեկավար Նարինե Դավթյանը:

Ծրագրին միանալու համար միակ նախապայմանը 21 եւ ավելի տարեկան լինելն է։

Մինչ 2023-ի ապրիլի 1-ը լրացնելով հարցաթերթիկ առցանց academy.tumo.org կայքում՝ առաջին խմբի դիմորդները կանցնեն նախնական ընտրության, հարցազրույցի եւ առաջադրանքի փուլերը, դրանք հաղթահարելու դեպքում կսկսեն ուսուցումը 2023-ի մայիսից։

Ծրագրի առաջին եռամսյակը հաջողած ուսանողները կանցնեն գործնական փուլ սեպտեմբերից եւ կդառնան Թումոյի թիմի լիարժեք աշխատակիցներ 2023-ի դեկտեմբերից։

Մեկնաբանություն