Նորույթ Հայաստանի հետազոտական ոլորտում․ «ԱՊՐԻ Արﬔնիա»
Հայկական բարեգործական ընդհանուր միությունը հայտարարել է «ԱՊՐԻ Արﬔնիա» կիրառական քաղաքականության հետազոտական ինստիտուտի մեկնարկը։ Այն փորձելու է տալ 3 տասնյակից ավելի բնագավառի խնդիրների լուծում և նպաստել Հայաստանի զարգացմանն ու տարածաշրջանի կայունությանը։ Ինստիտուտն աշխատելու է 5 հիմնական ուղղությամբ։
«ԱՊՐԻ Արմենիա»–ի հիմնադիր խորհրդի անդամ Լարա Սեդրակյանն ասում է, որ իրականացնելու են կոնֆերանսներ, ներգրավելու են արտասահմանյան փորձագետների, կատարելու են հետազոտություններ, արագ առաջընթացի համար դիատարկելու են այլ երկրների օրինակները և կազմակերպելու են հանրային միջոցառումներ։
18 ամիս տևած նախապատրաստական աշխատանքից ու վերլուծությունից հետո «ԱՊՐԻ Արմենիան» պատրաստվում է գործակցել մասնավոր ու պետական սեկտորի հետ, համախմբել Հայաստանի ու արտասահմանի փորձագետներին։ Առաջին քայլը «Անվտանգություն, կայունություն և բարեկեցություն» խորագրով եռօրյա համաժողովն է։ «Եռօրյա կոնֆերանսի վերջում հույս ունենք, որ կունենանք բավարար նյութ, որի շուրջ կարող ենք սկսել նոր ծրագրեր»,– ասում է ՀԲԸՄ Հայաստանի նախագահ Վազգեն Յակուբյանը։
«ԱՊՐԻ Արﬔնիա»–ն լինելու է ամբողջովին անկախ ինստիտուտ, որը կանդրադառնա անվտանգության, առողջապահության, էներգետիկ անկախության, արտաքին քաղաքականության և այլ ոլորտների։ «Սինոփսիս Հայաստան»–ի նախագահ Երվանդ Զորյանի խոսքով՝ խնդիրներին տալու են անկախ, նորարարական և համապարփակ լուծումներ, որոնք կօգնեն զարգացնել Հայաստանը։
Ինստիտուտի հոգաբարձուների խորհրդի անդամները ներկայացրին հակիրճ ակնարկ ճգնաժամային վիճակում առաջնորդության վերաբերյալ՝ ընդգծելով դրանց պատրաստվելու և ապագայի մասին մտածելու կարևորությունը, որն էլ ձգտում է անել «ԱՊՐԻ Արմենիան»։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն