Սահմանամերձ Խնձորեսկ գյուղում 30 բնակիչ շուտով լիարժեք կտիրապետի ֆինանսական գրագիտության թվային հմտություններին։ ԿԲ-ը դրամի 30-ամյակին ընդառաջ մեկենարկել է «Դրամ 30-30 դեպի ֆինանսական բարեկեցություն» փորձարարական նախագիծը։ Դրանով գյուղաբնակներին բանկային թվային ծառայություններից օգտվելու հնարավորություն և անձնական ֆինանսները կառավարելու հմտություններ են փոխանցելու։ Խնձորեսկում ծրագիրը կիրականացվի IDBank –ի աջակցությամբ։
IDBank-ի կողմից նախագծի մասնակիցներին վճարային քարտերը տրամադրվել են հինգ տարվա ընթացքում առանց սպասարկման վճարի: Քարտային հաշվին ուոսումնական նպատակով նաև որոշակի գումար է համալրվել, ակտիվացվել է նաև մոբայլ բանկինգի հավելվածը: Հիմա ծրագրի շահառուները կկարողանան կոմունալ վճարումներ կատարել, փոխանցումներ անել ու նույնիսկ վարկեր ձևակերպել առանց տնից դուրս գալու։
ԿԲ-ի և IDBank-ի դասընթացավարները գյուղաբնակ շահառուների կողոքին կլիեն ծրագրի 6 ամիսների ընթացքում` պատասխանելով առաջացող բոլոր հարցերին և տրամադրելով նրանց հասցեական ֆինանսական կարողություններ:
Մեկնաբանություն