Կանանց զբաղվածության առումով աշխարհում առաջին տեղում է Հայաստանը, այստեղ այդ ցուցանիշը կազմում է 52,76%
Rolls-Royce-ը ներկայացրել է աշխարհի ամենաթանկարժեք ավտոմեքենան
Հայաստանը և Թուրքիան որոշել են նոր հանդիպում անցկացնել հարաբերությունները կարգավորելու համար
ԱԽ քարտուղար․ ՌԴ հետ ռազմատեխնիկական գործակցությունը 96%-ից հասել է 10%-ի
Disney-ը ներկայացրել է հայկական մշակույթը Վարդավառի միջոցով
Idplus. Վառելիքի քարտերը հարմարավետության գործիք են
Իլոն Մասկը դատի է տվել Սեմ Ալթմանին
Մարտի 1-ից Բուլղարիան հրաժարվում է ռուսական նավթից
Ֆրանսիայից ուղարկված փոստային առաքանուց հայտնաբերվել են գնդակի մեջ թաքցված թմրամիջոցի պարունակությամբ դեղահաբեր. ՊԵԿ
«Ռոսսելխոզնադզոր»-ը Հայաստանից ներկրված կարմիր ձկնկիթի մեջ աղիքային ցուպիկի բակտերիաներ է հայտնաբերել
Բիթքոյնը տարեսկզբից ի վեր թանկացել է 45%-ով
2024թ. հունվարին Հայաստանում միջին ամսական անվանական աշխատավարձը կազմել է 266,990 դրամ
Կրիպտո նախագծերը ստացել են ավելի քան 90 մլրդ դոլար ֆինանսավորում
Փետրվարին Գերմանիայում գնաճը դանդաղել է մինչև 2.5%
Լուսնի վրա վայրէջք կատարած Odysseus սարքը կոտրել է ոտքերից մեկը և կողաշրջվել
Իրանը հաջողությամբ արձակել է «Փարս 1» արբանյակը
ՄՊՀ նախագահի պաշտոնում վերընտրվեց Գեղամ Գևորգյանը` 67 կողմ ձայնով
Բենզինի շուկայում ավելացել է երկու նոր տնտեսվարող. Գեղամ Գևորգյան
Telegram-ը կսկսի վճարել ալիքների սեփականատերերին գովազդ ցուցադրելու համար
Time. Սինգապուրում կկառուցվի ծովաջրի CO2-ից մաքրելու աշխարհի ամենամեծ գործարանը

Ուշադրություն եկամտային հարկի վերադարձից օգտվող քաղաքացիներին

Փտր 13, 2024 17:03
65
ADS

ՊԵԿ-ը հրապարակել է հիշեցում՝ եկամտային հարկի վերադարձից օգտվող քաղաքացիների համար։

Հարկ է նկատի ունենալ, որ հիփոթեքային վարկով բնակարան կամ անհատական բնակելի տուն ձեռք բերելու կամ անհատական բնակելի տուն կառուցելու դեպքում եկամտային հարկի վերադարձից օգտվող վարկառուին փոխհատուցվում է հիփոթեքային վարկի համար վճարված տոկոսների գումարները։

Ընդ որում, կախված հիփոթեքային վարկի մարման եղանակի ընտրությունից, հիմնականում, վարկառուն սկզբնական շրջանում մարում է ավելի մեծ չափով տոկոսագումարներ, իսկ մայր գումարից մարվող գումարներն աճում են տարիների ընթացքում։

Օրինակ, եթե Դուք ստացել եք հիփոթեքային վարկ, որի մարման ժամկետը մինչև 2044 թվականն է, ապա վարկի մարման ժամանակացույցով 20 տարիների ընթացքում վճարելու (մարելու) եք վարկի մնացորդի նկատմամբ հաշվարկված տոկոսագումարը և մասնակի մարում՝ մայր գումարից։ Ձեզ վերադարձվում է եկամտային հարկի գումարը՝ վճարված տոկոսագումարների չափով։ Հաշվարկվող տոկոսագումարները տարիների ընթացքում՝ համաձայն ժամանակացույցի, նվազելու են, իսկ մայր գումարից ամսական մարվող գումարները՝ աճելու են։

Հիփոթեքային վարկի մարման ժամանակ ֆինանսական դժվարություններից խուսափելու նպատակով ՊԵԿ-ը հիշեցնում է, որ վարկառուն կարող է պլանավորել վարկի մարման գծով իր ֆինանսական պարտավորությունները՝ հաշվի առնելով վարկի տոկոսագումարի և արդյունքում եկամտային հարկի վերադարձվող գումարների նվազման հանգամանքը։

Ընդ որում, վարկառուն վերադարձված գումարները կարող է ուղղել հիփոթեքային վարկի մայր գումարի մարմանը, հաշվի առնելով, որ մայր գումարից մարվող ամսական վճարումների գումարները յուրաքանչյուր հաջորդ ամիս հիմնականում աճում են։

Մեկնաբանություն