Հարավկորեական Samsung ընկերությունը ակտիվորեն կադրեր է հավաքագրում Ռուսաստանում ՝ չնայած բիզնեսի կրճատման մասին հայտարարություններին։ Այս մասին հայտնում է Известия-ն։ Հաղորդվում է, որ ընկերության Մոսկվայի գրասենյակում այս պահին բաց է 22 թափուր աշխատատեղ։ Նշվում է, որ Samsung-ը փնտրում է վաճառքի մենեջերների, հաճախորդների սպասարկման, ինչպես նաև լոգիստիկայի մասնագետներ և մարքեթինգային գործունեության մասնագետ Z սերնդի համար ՝ 2000-2011 թվականներին ծնված քաղաքացիների։
Lampa PR գործակալության հիմնադիր Եվգենյա Լամպադովան կարծում է, որ դա վկայում է այն մասին, որ Samsung-ը ցանկանում է վերսկսել ուղիղ վաճառքը Ռուսաստանի Դաշնությունում կամ առևտուր անել դիստրիբյուտորների կամ միջնորդ կայքերի միջոցով։
«Իզվեստիա»-ի փոխանցմամբ ՝ ընկերության մամուլի ծառայությունը պարզաբանել է, որ այս բոլոր թափուր աշխատատեղերը հրապարակվել են «ստանդարտ հավաքագրման գործընթացի» շրջանակներում։ Նրանք նշել են, որ Ռուսաստան առաքումները դեռ դադարեցված են, և դրանք վերսկսելու որոշում չի կայացվել։
