ՀՀ վիճակագրական կոմիտեի հրապարակած տվյալների համաձայն 2023թ. հուլիսի դրությամբ Հայաստանում միջին ամսական անվանական աշխատավարձը կազմում է 269,729 դրամ։
ՀՀ տնտեսության ինստիտուցիոնալ հատվածներում և տնտեսական գործունեության տեսակներում պատկերը հետևյալն է.
Հայաստանում ամենաշատը վարձատրվում են Տեղեկատվական Տեխնոլոգիաների ոլորտի մասնագետները՝ 1,011,270 դրամ, իսկ տեղեկատվություն և կապի ոլորտում (ներառյալ ՏՏ)՝ 824,318 դրամ։ Երկրորդ հորիզոնականում ֆինանսների և ապահովագրության ոլորտն է։ Ֆինանսական և ապահովագրական գործունեության ոլորտում միջին ամսական անվանական աշխատավարձը կազմում է 829,775 դրամ։
Հանքագործական արդյունաբերություն և բացահանքերի շահագործում՝ 462,811 դրամ։
Պետական կառավարում և պաշտպանություն, պարտադիր սոցիալական ապահովություն՝ 417,054 դրամ։
Մշակույթ, զվարճություններ և հանգիստ՝ 295,757 դրամ, մասնավորապես, մշակույթ և արվեստ՝ 146,810 դրամ։
Էլեկտրականության, գազի, գոլորշու և լավորակ օդի մատակարարում՝ 286,426 դրամ։
Մասնագիտական, գիտական և տեխնիկական գործունեություն՝ 267,978 դրամ, մասնավորապես, գիտական հետազոտություններ և մշակումներ՝ 225,952 դրամ։
Փոխադրումներ և պահեստային տնտեսություն՝ 264,309 դրամ։
Շինարարություն՝ 250,506 դրամ։
