Իլոն Մասկը կորցրել է 20.3 միլիարդ դոլար՝ իրեն պատկանող Tesla էլեկտրական մեքենաների ընկերության բաժնետոմսերի անկման պատճառով: Այս մասին հայտնում է Bloomberg-ը։
Մասկի զուտ կարողությունը կրճատվել է մինչև 234.4 միլիարդ դոլար, ինչը պատմության մեջ յոթերորդ ամենամեծ անկումն է՝ ըստ Bloomberg Index-ի: Պատճառը Tesla-ի բաժնետոմսերի 9.7% անկումն էր Մասկի հայտարարություններից հետո, թե ընկերությունը կարող է ստիպված լինել շարունակել նվազեցնել իր արտադրանքի գները։
Չնայած կորուստներին՝ ամերիկացի գործարարը շարունակում է մնալ աշխարհի ամենահարուստ մարդը։ Նա 33 միլիարդ դոլարով ավելի հարուստ է, քան ֆրանսիացի միլիարդատեր, LVMH ընկերությունների խմբի սեփականատեր Բեռնար Առնոն, որը զբաղեցնում է վարկանիշի երկրորդ հորիզոնականը։
Հիշեցնենք՝ ավելի վաղ գործակալությունը հայտնել էր, որ վերջին վեց ամսվա ընթացքում ամենաշատ գումար վաստակած մարդկանց ցանկում Մասկն առաջինն է:
Մեկնաբանություն