Բրիտանական-հոլանդական նավթագազային Shell ընկերությունը փաստաթղթեր է ստորագրել ռուսական պետական «Գազպրոմ Նեֆտ» էներգետիկ ընկերության հետ նավթագազային Salym Petroleum Development ընկերության 50% բաժնետոմսերը վաճառելու համար։ Այս մասին իր կայքում հրապարակել է ընկերության մամուլի ծառայությունը։
«2022 թվականի դեկտեմբերի 22-ին Shell-ը «Գազպրոմ Նեֆտ»-ի հետ ստորագրեց փաստաթղթեր «Salym Petroleum Development Limited Liability Company»-ում իր 50% բաժնետոմսերի վաճառքի վերաբերյալ»,- ասվում է ընկերության հաղորդագրության մեջ: Նշվում է, որ գործարքը կարող է ավարտվել միայն ռուսական կողմի պաշտոնական գերատեսչությունների հետ համաձայնեցման գործընթացից հետո։ Shell-ի մամուլի գրասենյակն անցյալ շաբաթ հայտնել էր, որ ընկերությունը կարող է դուրս գալ էլեկտրաէներգիայի մանրածախ բիզնեսից Միացյալ Թագավորությունում, Գերմանիայում և Նիդեռլանդներում:
Հունվարի առաջին կեսին Shell-ը հայտարարեց 2022 թվականին 2,4 միլիարդ դոլարի կորուստների ակնկալիքի մասին ՝ կապված Մեծ Բրիտանիայի և ԵՄ-ի էներգետիկ ընկերությունների ավելցուկային շահույթի վրա հարկերի ներդրման հետ։
Մեկնաբանություն