Ռուսաստանից հեղուկացված բնական գազի (LNG) մատակարարումները Չինաստան 2022 թվականին աճել են 43,9%-ով ՝ հասնելով 6,5 մլն տոննայի։ Այս մասին ուրբաթ օրը հայտնել է Չինաստանի մաքսային գլխավոր վարչությունը։
Արժեքային առումով այս էներգակիրի ներմուծումը Ռուսաստանի Դաշնությունից աճել է 2,4 անգամ՝ գերազանցելով 6,74 մլրդ դոլարը, Չինաստանի կողմից գնված LNG-ի ֆիզիկական ծավալով Ռուսաստանը 4-րդ տեղում է։ Ավստրալիան (21,85 միլիոն տոննա, 15,98 միլիարդ դոլար) ավանդաբար մնում է Չինաստանին հեղուկ գազի առաջատար մատակարարը 2022 թվականին, որին հաջորդում են Կատարը (15,69 միլիոն տոննա, 11,54 միլիարդ դոլար) և Մալայզիան (7,36 միլիոն տոննա, 6,81 միլիարդ դոլար): Ռուսաստանին հաջորդում են Ինդոնեզիան (3,74 մլն տոննա, 3,08 մլրդ դոլար) և ԱՄՆ-ը (2,09 մլն տոննա, 2,19 մլրդ դոլար):
Չինաստանի մաքսային տվյալների համաձայն ՝ դեկտեմբերին Ռուսաստանից Չինաստան LNG մատակարարումները նոյեմբերի համեմատ նվազել են 20%-ով ՝ կազմելով 682,55 հազար տոննա։ Արժեքային արտահայտությամբ դրանք նվազել են 22%-ով ՝ կազմելով 634,05 մլն դոլար։
Մեկնաբանություն