Հայաստանում վարելահողերի 50 տոկոսը նպատակային չի գործածվում: Մինչդեռ դրանք հնարավոր է արդյունավետ գործածել, եթե մշակվեն անասնակերի արտադրության նպատակով: Հայաստանի երեք մարզում վարելահողերի նորագույն մեթոդներով մշակման փորձնական ծրագրից հետո համոզվել են Գերմանիայի միջազգային գործակցության ընկերության և Շեն բարեգործական կազմակերպության մասնագետները: Գեղարքունիքի, Լոռու և Շիրակի մարզերում չօգտագործվող ավելի քան 300 հեկտար վարելահող արդեն նպատակային են մշակվում: Համայնքների հեռավոր հողերում ֆերմերներին առաջարկել են մշակության նոր մեթոդներով կորնգան աճեցնել:
Տնտեսական էֆեկտն ակնհայտ է՝ ասում են մասնագետները, բացի դա, արոտների դեգրադացումը կանխելու նպատակով առաջարկվել է օգտագործել հատուկ խոտախառնուրդ: Վերջին 10 տարում Հայաստանում կորնգան չեն մշակում: Էկոնոմիկայի նախարարությունը վստահ է՝ պիլոտային ծրագիրը համատարած դարձնելու դեպքում ոչ միայն չմշակվող հողերը կմտնեն շրջանառության մեջ, այլև կբարձրանա անասնապահական մթերքների ինքնաբավության մակարդակը:
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն