L’Occitane International SA-ի սեփականատերը ցանկանում է ընկերությունը դարձնել մասնավոր Blackstone Inc.-ի ֆինանսավորմամբ:
Ընկերության բաժնետոմսերի վաճառքը Հոնկոնգում արդեն դադարեցվել էր, քանի որ սպասվում էր հայտարարություն Blackstone-ի կողմից L’Occitane International SA մաշկի խնամքի պարագաներ արտադրող ընկերության որոշ մասնաբաժնի ձեռքբերման վերաբերյալ:
L’Occitane-ի շուկայական կապիտալը կազմում է մոտ 5.6 մլրդ դոլար:
Ըստ աղբյուրների՝ թեև բանակցությունները ավարտական ընթացքի մեջ են, դեռևս վերջնական որոշում չի կայացվել, և բանակցությունները կարող են հետաձգվել:
Taiwan Semiconductor Manufacturing Co.-ի եռամսյակային եկամուտն աճել է տարվա ընթացքում գրանցած ամենաարագ տեմպերով՝ ամրապնդելով այն ակնկալիքները, որ AI զարգացման համաշխարհային բումը խթանում է բարձրակարգ չիպերի և սերվերների պահանջարկը:
TSMC-ն բյուջետավորում է 28-32 միլիարդ դոլար կապիտալ ծախսեր և ակնկալում է, որ այս տարի եկամուտը կաճի առնվազն 20 տոկոսով՝ հակադարձելով 2023-ի աննշան անկմանը:
Ասիայի խոշորագույն ընկերությունը 2022 թվականի հոկտեմբերից ավելի քան կրկնապատկել է իր շուկայական արժեքը:
Ընկերությունը գործարաններ է կառուցում ԱՄՆ-ում, Ճապոնիայում և Գերմանիայում՝ արտադրելով AI չիպեր, որոնք օգտագործվում են Amazon.com Inc.-ի և Microsoft Corp.-ի կողմից շահագործվող տվյալների բազաներում:
TSMC-ի մեկ բաժնետոմսի արժեքը ապրիլի 9-ի դրությամբ կազմել է 145 ԱՄՆ դոլար:
BMW-ի ամբողջությամբ էլեկտրական մեքենաների վաճառքն աճել է առաջին եռամսյակում` գերազանցելով Tesla-ի և Volkswagen-ի նման մրցակիցներին, որոնք ամեն կերպ պայքարում են նվազող պահանջարկի դեմ:
Մարտկոցով աշխատող մոդելների մատակարարումները, ինչպիսիք են BMW-ի i4-ը, iX1-ը և i7-ը, աճել են 41%-ով՝ նախորդ տարվա նույն ժամանակահատվածի համեմատ:
BMW-ի գրանցած արդյունքները հակադրվում են EV-ների պահանջարկի անկմանը, մասնավորապես Եվրոպայում, որտեղ էլեկտրական մեքենաներին տրվող արտոնությունները նվազեցվել են մի շարք կառավարությունների կողմից:
BMW-ի բաժնետոմսերն այս տարի աճել են 14%-ով՝ մի փոքր առաջ անցնելով մրցակից Mercedes-Benz-ից: Volkswagen-ի բաժնետոմսերը մոտավորապես նույն մակարդակի վրա են, ինչ մեկ տարի առաջ, մինչդեռ Tesla-ի բաժնետոմսերը 4.4%-ով ցածր են:
BMW-ի մեկ բաժնետոմսի արժեքը ապրիլլի 10-ի դրությամբ կազմել է 112 Եվրո:
Ներկայացնում ենք ավտոարտադրող խոշոր ընկերությունների տասնյակը՝ ըստ շուկայական կապիտալիզացիայի և բաժնետոմսի արժեքի:
Ինչպես տեսնում ենք, ըստ շուկայական կապիտալիզացիայի առաջատար է հանդիսանում Tesla, Inc.-ը՝ 556 մլրդ դոլարով, իսկ բաժնետոմսի արժեքով՝ Ferrari N.V.-ն, որի մեկ բաժնետոմսը 420 ԱՄՆ դոլար է:
ԴԻՄԵՔ ՄԵԶ՝
Limitlessam.com
[email protected]
+374 11 888 118
Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ:
Կազմակերպությունը վերահսկվում է ՀՀ Կենտրոնական Բանկի կողմից
#limitless #finance #fund #investments #investing #success #wealth #financialfreedom
Մեկնաբանություն