Ս.թ. ապրիլի 4-ին, ժամը 16։00-ին «Ալեքսանդր» հյուրանոցի «Դվին» սրահում տեղի ունեցավ ՄԱԿ-ի Զարգացման ծրագրի (ՄԱԶԾ) Կանանց հզորացման սկզբունքներին նվիրված «Հնչեցրու զանգը հանուն գենդերային հավասարության» միջոցառումը, որը կազմակերպվել էր ՄԱԶԾ-ի կողմից՝ Հայաստանի ֆոնդային բորսայի հետ համագործակցությամբ:
Ամբողջ աշխարհում ֆոնդային բորսաները կազմակերպում են զանգի հնչեցման արարողություն՝ բարձրացնելու իրազեկությունը ՄԱԿ-ի գենդերային հավասարության և կանանց հզորացմանը վերաբերող Կայուն զարգացման նպատակ 5-ի առաջմղման գործում մասնավոր հատվածի առաջնային դերի վերաբերյալ:
Միջոցառմանը բացման խոսքով հանդես եկան Հայաստանում ՄԱԶԾ մշտական ներկայացուցչի տեղակալ Կոնստանտին Սոկուլսկին, Հայաստանում Ավստրիայի Զարգացման համակարգման գրասենյակի ղեկավար Կլաուս Կապերը, «ՄԱԿ կանայք» կազմակերպության ներկայացուցիչ Օլգա Ազատյան, Հայաստանի Ֆոնդային բորսայի գլխավոր տնօրեն Հայկ Եգանյանը։
Միջոցառման ընթացքում հայաստանյան 5 մասնավոր ընկերություններ ստորագրեցին Կանանց հզորացման սկզբունքների (ԿՀՍ) համատեղ հայտարարգիր։ ԿՀՍ-ին միացած կազմակերպություններն են՝ Գրիին Ռոք Մենեջմենթ Գրուպ, Թուֆենկյան Հոսփիթալիթի, Այդի Բանկ ՓԲԸ, Իդրամ, “Sunny Food”:
Սկիզբ առնելով 2010թ․ «ՄԱԿ կանայք» կազմակերպության և ՄԱԿ-ի Գլոբալ պայմանագրի համատեղ ջանքերով՝ ԿՀՍ նախաձեռնությունը նպատակ ունի համայնքում, բիզնեսում և աշխատավայրում խթանել կանանց և աղջիկների հզորացումը՝ յոթ առանցքային սկզբունքները կյանքի կոչելու միջոցով։
Միջոցառումը կազմակերպված էր «Հարավային Կովկասում կանանց տնտեսական զարգացում» ծրագրի շրջանակներում, որը ֆինանսավորվում է Շվեյցարիայի զարգացման և համագործակցության գործակալության և Ավստրիայի զարգացման գործակալության կողմից:
Մեկնաբանություն