![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2023/02/getty_506164764_346697.jpg)
Ծիրան, խաղող, խնձոր, դեղձ, սալոր, ցորեն, գարի, վարսակ, ձմերուկ, սեխ, կարտոֆիլ, բալ ու կեռաս ունեցող ֆերմերներն արդեն կարող են ապահովագրել իրենց այգիներն ու ցանքատարածքները ՝ ընդհանուր 13 մշակաբույս: Հաշվի առնելով տարեցտարի փոփոխվող բնակլիմայական պայմանները՝ անցած տարի փորձնական ապահովագրեցին նաև սակավաջրության ռիսկից: Փորձը ցույց տվեց, որ այն ևս անհրաժեշտ է ֆերմերներին: Այս տարի որպես նորույթ նրանք կարող են օգտվել նաև այդ ապահովագրատեսակից: Արդեն երեք տարի երկրում իրականացվող ապահովագրության փորձնական ծրագրին կառավարությունն այս տարի ևս ֆինանսական աջակցություն կցուցաբերի, որից ուղղակիորեն կօգտվեն ֆերմերային տնտեսությունները:
Ապահովագրավճարների գումարի 50-60 տոկոսը կփոխհատուցվի պետական միջոցներից: Հատկապես անցած տարվա փորձը ցույց տվեց, որ գյուղատնտեսության ապահովագրության ծրագիրը գործում է հօգուտ ֆերմերների: Վճարած 866 միլիոն դրամի դիմաց ֆերմերներին փոխհատուցվել է մեկ միլիարդ երեք հարյուր հազար դրամ: Կնքվել էր ավելի քան հինգ հազար պայմանագիր, որից մոտ երկու հազար հարյուր ֆերմեր վնասի փոխհատուցում է ստացել:
Մեկնաբանություն