Ռուսաստանի օդային տրանսպորտի դաշնային գործակալությունը նշում է ,որ փետրվարի 24-ից երկրում փակվել է 11 օդանավակայան և արգելքը վերջին անգամ երկարացվել է մինչև մարտի 26-ը,իսկ երկրի մնացած օդանավակայանները շարունակում են իրենց բնականոն աշխատանքը։
Ռուսաստանի հարավային և կենտրոնական հատվածի 11 օդանավակայաններում թռիչքների սահմանափակումը երկարացվել է մինչև ապրիլի 1-ի Մոսկվայի ժամանակով ժամը 03:45-ը, հայտնում է Օդային տրանսպորտի դաշնային գործակալության մամուլի ծառայությունը։ Թռիչքներ չեն ընդունում Անապայի, Բելգորոդի, Բրյանսկի, Վորոնեժի, Գելենջիկի, Կրասնոդարի, Կուրսկի, Լիպեցկի, Դոնի Ռոստովի, Սիմֆերոպոլի և Էլիստայի օդանավակայանները։Ըստ գործակալության ՝ երկրի մնացած օդանավակայաններն աշխատում են բնականոն։Թռիչքների սահմանափակման ռեժիմը մտցվել է փետրվարի 24-ին՝ ռուսական ռազմական գործողության մեկնարկի օրը։ Թռիչքի գոտին ճանաչվել է ոչ անվտանգ քաղաքացիական ինքնաթիռների և ուղևորների համար։ Այդ ժամանակվանից սահմանափակումները երկարացվել են, վերջինը՝ մարտի 18-ից մինչև մարտի 26-ը։
ԱՄՆ-ն, Կանադան, Եվրամիությունը, Մեծ Բրիտանիան և մի շարք այլ երկրներ փակել են օդային տարածքը ռուսական ինքնաթիռների համար։ Ռուսաստանը հայելային միջոցներ է սահմանել 36 պետությունների համար։ Ռուսական խոշոր ընկերությունները հրաժարվել են միջազգային չվերթներից։
